«Ձեր թիմում էլ ե՞ն կարծում՝ Դուք հոգեկան առողջության հետ կապված խնդիր ունեք» հարցը Փաշինյանը թողեց անպատասխան
Երեկվանից համացանցում լայն քննարկվում է, որ Փաշինյանի թիմում արդեն համբերության բաժակը լցվում է:
Այդ մասին է վկայում երեկվա սկանդալային ձայնագրությունը, որտեղ Գասպարյանը դժգում է Նիկոլ Փաշինյանից, հայտարարելով, թե վերջինս հանուն պետության պետք է հեռանա։ Ի պատասխան Պապիկյանը հորդորում է վերջինիս պահպանել հանգստություն։
Mediaport-ի աղբյուրների փոխանցմամբ՝ Էջմիածնի քաղաքապետ Դիանա Գասպարյանի ու Սուրեն Պապիկյանի՝ երեկ հրապարակված սկադալային զրույցը, որում Գասպարյանը Փաշինյանին հոգեկան հիվանդ է անվանում՝ նշելով, որ «Հանուն պետության պետք է գնա», տեղի է ունեցել 6 օր առաջ՝ հունիսի 7-ին, ուշ գիշերը:
Էջմիածնում տեղի ունեցած սակավաթիվ նախընտական հանրահավաքից հետո, Փաշինյանը հարբած զանգել է Գասպարյանին, նրա հասցեին վերջին հայհոյանքները հնչեցրել՝ մեղադրելով 2 տարում իր ողջ ռեսուրսը մսխելու մեջ: Փաշինյանը ծնող է հայհոյել Գասպարյանին, սպառնացել, որ ընտրությունից հետո մաքրելու է իր շրջապատը և սկսելու է հենց Էջմիածնից: Գասպարյանը զանգել է Պապիկյանին՝ տեղեկացնելու, որ հրաժարականի դիմում է գրում, Սուրեն Պապիկյանը փորձել է կանգնեցնել:
Լրագրողը հարց է հղել Փաշինյանին՝ «Ձեր թիմում էլ ե՞ն կարծում՝ Դուք հոգեկան առողջության հետ կապված խնդիր ունեք», որը վերջինս թողել է անպատասխան, այս մասին էլ հայտնում են 168.am -ից:
Մանրամասն՝ տեսանյութում: