ՌԴ մշտական ներկայացուցիչը՝ Վիեննայում միջուկային գործարքի շուրջ բանակցությունների մասին. Վստահ լավատեսության հիմքեր կան

Իրանի Միացյալ հանձնաժողովի եւ միջազգային «հնգյակի» պատվիրակություններն ամփոփել են Վիեննայում կայացած խորհրդակցությունների հերթական փուլի միջանկյալ արդյունքները՝ նշելով կայուն առաջընթացի մասին, հաջորդ հանդիպումը տեղի կունենա մայիսի 7-ին: Այս մասին շաբաթ օրը հայտարարել է Վիեննայում միջազգային կազմակերպություններում Ռուսաստանի մշտական ներկայացուցիչ Միխայիլ Ուլյանովը, որը Ավստրիայի մայրաքաղաքում անցկացվող խորհրդակցություններում գլխավորում է Ռուսաստանի պատվիրակությունը, գրում է ՏԱՍՍ-ը:

«ԳՀՀՊ-ի համատեղ հանձնաժողովն ամփոփել է Վիեննայում ընթացող բանակցությունների միջանկյալ արդյունքները: Կայուն առաջընթաց է գրանցվել, չնայած դեռ շատ չլուծված խնդիրներ են մնում: Հանձնաժողովը կրկին կհանդիպի մայիսի 7-ին: Այդ ընթացքում փորձագետները կշարունակեն աշխատել ապագա համաձայնագրի տեքստի վրա»,- ասել է Ուլյանովը:

Ռուսաստանի մշտական ներկայացուցչի խոսքով՝ ԳՀՀՊ-ի վերականգնման շուրջ վիեննական բանակցություններում վիճակը գնահատելիս «դեռ վաղ է էյֆորիայի մեջ ընկնելու համար, բայց զգուշավոր եւ ավելի վստահ լավատեսության հիմքեր կան»: «Երեք շաբաթ հետո բանակցությունների հաջող ավարտին ձգտելու ընդհանուր տրամադրվածություն կա: Կաշխատի՞ արդյոք: Տեսնենք»,- ամփոփել է Ուլյանովը: