Oddity Central-ը պատմել է հազվադեպ հանդիպող հիվանդության մասին, որի հետևանքով մատները ժամանակավորապես սպիտակում կամ կապտում են
Ռեյնոյի համաշխատանիշը, որը հայտնի է նաև Ռեյնոյի երևույթ անունով, հազվագյուտ հիվանդություն է, որը սահմանափակում է ձեռքի մատների և երբեմն էլ ոտքի մատների արյան մատակարարումը, որի հետևանքով դրանք ժամանակավորապես դառնում են սպիտակ կամ կապույտ, գրում է odditycentral.com-ը:
Բժիշկ Օգյուստ Գաբրիել Մորիս Ռենոն առաջին անգամ նկարագրել է հիվանդության մասին իր դոկտորական դիսերտացիայում 1862 թ.-ին: Ըստ նրա՝ հազվագյուտ համաշխանիշը կարելի է բնութագրել որպես գերազդեցություն այնպիսի խթանների նկատմամբ, ինչպիսիք են ցուրտը կամ սթրեսը: Առաջին դեպքում մարմինը փորձում է պահել սեփական ջերմությունը՝ դանդաղեցնելով արյան հոսքը դեպի ամենահեռավոր կետերը, օրինակ՝ մատները: Դա անելու համար դեպի այդ կետերն արյուն տանող փոքր զարկերակները նեղանում են, որի պատճառով թթվածնի երկարատև բացակայության պատճառով վերջույթները ժամանակավորապես սպիտակում են, ապա` կապտում:
Ռեյնոյի երևույթը սովորաբար տևում է մոտ 15 րոպե, բայց կարող է տևել նաև մի քանի ժամ, որից հետո զարկերակները հանգստանում են, և արյունը կրկին հասնում է մարդու վերջույթներին: Երբեմն մարդը նույնիսկ ցավ է զգում, բայց սովորաբար դա պարզապես ռեակցիա է, որի ընթացքում մատները դառնում են վառ կարմիր, նախքան իրենց բնական գույնին վերադառնալը:
Բժիշկները լիովին չեն հասկանում, թե ինչն է պատճառը, որ որոշ մարդկանց մարմինները սուր ձևով են արձագանքում ցրտին և սթրեսին: Ենթադրվում է, որ մարդկանց մոտ 4 տոկոսի մոտ նկատվում է Ռեյնոյի երևույթը, բայց դրա ծանրության աստիճանը տատանվում է:
Ռեյնոյի համախտանիշը սովորաբար չի ազդում հիվանդների կյանքի որակի վրա, բայց շատ հազվադեպ, ծայրահեղ դեպքերում արյան հոսքի նվազումն այնքան ուժեղ է, որ կարող է վնասել հյուսվածքները: