Նոր պատերազմի ռեսուրս Հայաստանը չունի և պնդում եմ, որ առանց պատերազմի հնարավոր է փորձել հետ բերել Հադրութն ու Շուշին. Միքայել Մինասյան (տեսանյութ)

Պնդում եմ, որ ՀՀ-ն չունի նոր պատերազմի ռեսուրս, պնդում եմ, որ հնարավոր է փորձել հետ բերել Շուշին և Հադրութը՝ առանց պատերազմի։ Այս մասին «Արմնյուզ» հեռուստաընկերությանը տված հարցազրույցում ասաց Սուրբ Աթոռում ՀՀ նախկին դեսպան Միքայել Մինասյանը՝ պատասխանելով Սամվել Ֆարմանյանի հարցին՝ տեսնո՞ւմ է հնարավորություն՝ աշխարհաքաղաքական ճիշտ բալանսները պահելու, հարաբերությունները կառուցելու միջոցով ոչ միայն ապահովելու խաղաղություն ԼՂ-ում և ԼՂ-ի շուրջ, այլև գտնելու մեր ազգային արժանապատվությունը վերականգնելու ճանապարհը։

«Ես պնդում եմ նաև, որ պետք է փորձենք ամրացնել արժանապատիվ հարաբերությունները ՌԴ-ի հետ և կառուցել նոր հարաբերությունների ձև, որի մասին գրել եմ 2 տարի առաջ՝ իմ հոդվածում»,-ասաց նա։

Միքայել Մինասյանն ընդգծեց՝ պետք է ընդունենք, որ այլևս չունենք այն Հայաստանը, որն ավարտվեց Նիկոլ Փաշինյանի իշխանության առաջին օրով։ «Այս 3 տարիների ընթացքում նա ուղղակի քաշեց մեր միջից ամեն ինչ։ Կամ ընդունում ենք դա, ստանում ենք ճիշտ դեղամիջոցներ և գնում ենք դեպի ապագա, կամ շարունակում ենք իրար խաբել ու չենք ունենում ապագա։ Ես ապագայի կողմնակիցն եմ, ես եթե սկսեմ, սկսելու եմ հանուն ապագայի, ոչ թե հանուն անցյալի»,-ասաց նա։

Հարցին՝ եթե Փաշինյանը չանցկացնի արտահերթ ընտրություններ, պատրա՞ստ է ինքը ստանձնել նրան «պատուհանից դուրս վռնդելու» պատասխանատվությունը, Մինասյանը պատասխանեց․ «Ես գրել էի, որ սպասելու եմ իմ հերթին։ Կարծում եմ, որ սպասել եմ բավականին, և տեսա, որ ոչ ոք չի կարողանում այդ մարդուն պատուհանից դուրս շպրտել։ Հետևաբար՝ հիմա արդեն ես պետք է որոշեմ՝ ուզում եմ ստանձնել դա, թե ոչ, եթե ստանձնեմ, ուրեմն շպրտելու եմ, չկասկածեք»։

Ես կանխատեսում եմ Ադրբեջանում մեծ խնդիրներ, Ալիևը չի կարող իշխանությունը պահել առանց նոր պատերազմի, իսկ նոր պատերազմ չի կարող անել, որովհետև հիմա կան խաղաղապահներ. Միքայել Մինասյան

Ես կռվելու եմ հանուն ապագայի, մարդկանց պետք է տալ հնարավորություն չընտրելու անցյալի ու անցյալի միջև. Միքայել Մինասյան (տեսանյութ)

Եթե ես որոշեմ մասնակցել այս ընտրություններին, ապա դա անելու եմ իմ դեմքով. Միքայել Մինասյան (տեսանյութ)

Այս ընտրությունների նախաշեմին ես չեմ սատարելու որևէ ուժի՝ լինի իշխանամետ, թե իրապես ընդդիմադիր. Միքայել Մինասյան (տեսանյութ)