Հայկ Ղալումյանն ազատվել է Իջևանի քաղաքապետի պաշտոնակատարի պաշտոնից, նրա փոխարեն նշանակվել է Արթուր Ճաղարյանը. Ղալումյանը կնշանակվի նոր պաշտոնի՝ Տավուշի մարզպետ
Նիկոլ Փաշինյանի որոշմամբ՝ Հայկ Ղալումյանն ազատվել է Իջևանի քաղաքապետի պաշտոնակատարի պաշտոնից, այդ պաշտոնին նշանակվել է Արթուր Ճաղարյանը:
«Ղեկավարվելով «Տեղական ինքնակառավարման մասին» օրենքի 27-րդ հոդվածի 1-ին մասով՝
1. Հայկ Ղալումյանին ազատել Հայաստանի Հանրապետության Տավուշի մարզի Իջևան համայնքի ղեկավարի պաշտոնակատարի պաշտոնից:
2. Արթուր Ճաղարյանին նշանակել Հայաստանի Հանրապետության Տավուշի մարզի Իջևան համայնքի ղեկավարի պաշտոնակատար»,- ասված է որոշման մեջ:
Ավելի վաղ Արթուր Ճաղարյանը զբաղեցրել է Իջևանի փոխքաղաքապետի պաշտոնը:
Ինչպես Operativ լրատվականը երեկ նշել էր, Պատգամավոր Վահե Ղալումյանի եղբայր Հայկ Ղալումյանը կնշանակվի Տավուշի մարզպետ: