Գեղեցկուհուց հրեշ. Կնոջ կյանքը և տխուր պատմությունը, ով հանուն երեխաների ինքն իրեն դարձրել է համաշխարհային ծաղրանքի առարկա

Երևի շատերն են լսել Մերի Էնն Վեբստեր անունը: Նրան կոչում էին աշխարհի ամենատգեղ կինը: 

Բայց նրա տգեղությունը ի ծնե չէր, այլ հիվանդության արդյունք: Հիվանդություն, որը փոխեց նրա ողջ կյանքը: 

Կյանքի օրոք նա բոլորի ծաղրանքի առարկան էր, բայց այսօր կարել է ասել, որ նրա պես քաջ և իսկական մայր ու մարդ շատ քչերն են:

Մերի Էննը ծնվել է Լոնդոնի ոչ հարուստ բազմանդամ ընտանիքում, փոքր տարիքից նա ստիպված էր աշխատել: Երբ հանդիպում է իր կյանքի տղամարդուն, Թոմաս Բիվենին, նա աշխատում էր որպես բուժքույր: 

Իր 29 ամյա հասակում նա բավական գեղեցիկ կին էր, զույգը ամուսնանում է :

Նրանք 4 զավակ են լույս աշխարհ բերում: Բայց շուտով կնոջ մոտ սկսվում են լուրջ առողջական խնդիրներ՝ ցավ վերջույթներում, մշտական գլխացավեր:

Բժիշկները չէին կարողանում օգնել կնոջը, բացի այդ նա ժամանակ էլ չուներ ինքն իրենով զբաղվելու, երեխաների հոգսերով էր: 

Ժամանակի ընթացքում կնոջ դեմքը երկարում է, դիմագծերը խախտվում են, իսկ վերջույթները մեծանում և կոպտանում: 

Ցավոք, այդ տարիներին ոչ ոքի հայտնի չէր ակրոմեգալիա հիվանդությունը, որի ժամանակ խախտվում է աճի հորմոնի աշխատանքը: 

Կնոջ ամուդսինը թեև չի լքում նրան այդ վիճակում, շարունակւմ է սիրել, սակայն նա մահանում է, Մերի Էննը ստիպված է լինում քաշել չորս երեխայի հոգսը միայնակ: 

Այդ ժամանակ նա արդեն ամբողջ քաղաքի ծաղր ու ծանակի առարկա էր, փողոց դուրս գալը նրա համար լուրջ խնդիր էր ու փորձ: 

Նա կատարում էր ցանկացած աշխատանք, բայց փողն էլի չէր հերիքում, և ահա, պատահական իմանում է մի մրցույթի մասին, որտեղ խոշոր գումար էին վճարում ամենատգեղ կնոջ անվանակարգում: 

Հանուն իր երեխաների նա որոշում է մասնակցել այդ մրցույթին, հաղթել այն, բայց դառնում է տեղի հանրահայտ անձանցից մեկը, և իր կյանքը ավելի է դրանից հետո վերածվում դժոխքի:

1920 թվականին նա ստանում է «Dreemland» կրկեսից առաջարկ աշխատել իրենց հետ, բայց դրա համար նա պետք է լքեր երեխաներին և տեղափոխվեր Կոնի Այլենդ: 

Նա համաձայնում է: Այնտեղ նա ստիպված է լինում մասնակցել ֆրիկ-շոուների: 

Նրան հատուկ հագցնում էին ճոխ կանացի հագուստներ, որ իր տգեղությունը այդ գեղեցկության ու ճոխության ֆոնին ավելի ցայտուն երևա, նա դառնում է կրկեսի իսկական աստղ:

Ակրոմեգալիա հիվանդությամբ տառապողները, սակայն, երկարակյաց չեն, և նա հեռանում է կյանքից 59 տարեկանում: 

Մերի Էնն Վեբստերը այդպես էլ մնաց պատմության մեջ որպես ամենատգեղ կինը աշխարհում, թեև նա մայր էր, որ փորձում էր ավելի լավ կյանքով ապահովել իր զավակներին: