Նյու Յորքի նահանգապետը կրկին մեղադրվել է սեռական ոտնձգությունների մեջ
Նյու Յորքի նահանգապետ Էնդրյու Կուոմոյի նախկին օգնականը մեղադրել է նրան սեռական ոտնձգությունների մեջ: Շարլոտա Բենեթը պատմել է New York Times-ին, որ 63-ամյա քաղաքական գործիչը հունիսին ասել է, որ պատրաստ է հանդիպել 20-ամյա կանանց հետ, եւ հարցրել նրան՝ արդյոք տարիքը նշանակություն ունի սիրային հարաբերություններում, հաղորդում է Times-ը:
Ընդ որում՝ Կուոմոն երբեք չի փորձել դիպչել նրան, սակայն նա «հասկացել է, որ նահանգապետը ցանկանում է քնել նրա հետ, եւ շատ անհարմար է զգացել իրեն ու վախեցել է»:
Նա հավելել է , որ զրուցել է աշխատակազմի ղեկավարի եւ փաստաբանի հետ, ինչի արդյունքում կինը ստացել է այլ պաշտոն ուրիշ մասնաշենքում: Բենեթը գոհ էր նոր աշխատանքով եւ որոշել էր չշարունակել հետապնդումը Կուոմոյի նկատմամբ:
Անցած գարնանը Կուոմոն դարձել էր ազգային աստղ կրոնավիրուսի շուրջ իր անկեղծ ճեպազրույցների շնորհիվ, որոնք կտրուկ տարբերվում էին համավարակի նկատմամբ նախագահ Դոնալդ Թրամփի մոտեցման հետ:
Կուոմոն ասել է, որ երբեք ֆլիրտի չի դիմել միսս Բենեթի հետ, եւ երբեք չի մտադրվել անմիտ քայլեր անել: Նրա խոսքով՝ նա ցանկացել է սատարել Բենեթին, որն ասել է նրան, որ ենթարկվել է սեռական բռնության:
Նահանգապետը կոչ է արել մանրակրկիտ հետաքննել իր հասցեին ուղղված մեղադրանքները:
Ավելի վաղ նրա խորհրդական Լինդսի Բոյլանը հայտարարել էր, որ նահանգապետը ոտնձգություններ էր արել 2015-2018 թվականների ընթացքում, երբ կինն աշխատում էր նրա աշխատակազմում: Բոյլանը պնդել է, որ նահանգապետը համբուրել է նրա շուրթերը եւ ամբողջ ուժով փորձել դիպչել մեջքի ներքեւի հատվածով, ձեռքերով եւ ոտքերով: Կուոմոյի գրասենյակի հայտարարության մեջ ասվել է, որ Բոյլանի հայտարարությունները սուտ են: