Ուորեն Բաֆեթի ավանդական ուղերձը. «Ներդրողները ծախսում են, Ուոլ սթրիթը՝ վաստակում»
Berkshire Hathaway-ը հրապարակել է իր հիմնադիր Ուորեն Բաֆեթի ամենամյա ուղերձը, որում վերջինս ավանդաբար կիսվում է իմաստություններով ներդրողների հետ: Forbes-ը հրապարակել է 13-էջանոց ուղերձի հատվածները:
«Ներդրողները ծախսում են, Ուոլ սթրիթը՝ վաստակում»
Ուղերձում Բաֆեթը խորհուրդ է տվել մանրածախ ներդրողներին, որոնք զանգվածային կերպով գալիս են ֆոնդային շուկա: Նրա խոսքով՝ միլիոնավոր ներդրողներ այսօր բախվում են տեխնիկական վերլուծության մասնագետների հետ, որոնք վստահաբար հրահանգավորում են նրանց այն մասին, որ գրաֆիկում շորժումը կանխատեսում է բաժնետոմսի համար»: Սակայն կապիտալ ստեղծելու համար անհրաժեշտ է ժամանակ, ներքին հանգստություն, լայն դիվերսիֆիկացիա եւ գործարքների ու գանձումների թվի նվազեցում, գրում է Բաֆեթը՝ նշելով, որ ներդրողները չպետք է մոռանան, որ նրանք ծախսում են, իսկ Ուոլ սթրիթը՝ վաստակում:
«Երբեք մի ներդրեք Ամերիկայի դեմ»
Բաֆեթը լի է լավատեսությամբ ԱՄՆ տնտեսության ապագայի նկատմամբ եւ բարձր է գնահատում ամերիկացիների ձեռնարկատիրական ձգտումները: Նրա խոսքով՝ ավելի քան 200 տարվա ընթացքում աշխարհում չի եղել ուրիշ ինկուբատոր մարդկային պոտենցիալն իրացնելու համար, ինչպիսին է ամերիկյանը:
«Ամբողջ Ամերիկայում լի են հաջողված պատմությունները,-գրում է Բաֆեթը:-Մեր երկրի հիմնադրման օրվանից գաղափարներ, հավակնություններ ունեցող մարդիկ հաջողել են իրենց երազանքն իրականացնելու գործում՝ ստեղծելով նորը կամ բարեկավոլով հաճախորդների սպասարկամն որակը հնի շնորհիվ»:
«Մեծ սխալ»
Որպես իր «մեծ սխալ» Բաֆեթն ուղերձում անվանել է Precision Castparts ընկերության գնումը չափազանց մեծ գումարով: Berkshire Hathaway-ը ձեռք էր բերել աէրոտիեզերական եւ էներգետիկ ոլորտների համար սարքավորունմերի այդ արտադրողին 2016 թվականին 32,3 միլիարդ դոլարով:
Այդ սխալն արժեցել է շուրջ 11 միլիարդ դոլար՝ Բաֆեթի խոսքով: Այն, որ ներդրողը գնման ժամանակ գերագնահատել է ընկերությանը, պարզ էր դարձել ավիաընկերությունների ճգնաժամի ընթացքում անցած տարի, որոնք Precision Castparts-ի առանցքային հաճախորդներին էին: «Ես չափազանց բարձր գին եմ վճարել ընկերության համար: Երբեք ոչ մեկն ինձ չէր մոլորեցրել: Ես պարզապես շատ լավատեսորեն եմ տրամադրված»,-նշել է Բաֆեթը:
Արժեթղթերի ժամանակը չէ
Արժեթղթերի մեջ մեր օրերում ներդրում անել պետք չէ: Նա նաեւ նախազգուշացրել է ռիսկային արժեթղթեր ձեռք բերելուց եկամտաբերությունը բարձրացնելու համար:
Թոշակի անցնելու մասին
Բաֆեթն ակնարկել է, որ դեռեւս չի պատրաստվում թոշակի անցնել: Նա հիշեցրել է, որ ժամանակին Berkshire Hathaway-ը ձեռք էր բերել Nebraska Furniture Mart ընկերությունը, որը հիմնել է էմիգրանտ Ռոզա Բլյումքինը: Նրա խոսքով՝ Բլյումքինը շարունակել է աշխատել մինչեւ 103-ամյակը: 90-ամյա միլիարդատերն անվանել է 103 տարին «թոշակի անցնելու համար ծիծաղելի տարիք»:
Բիզնեսը՝ որպես ռեստորան
Բաֆեթը նաեւ ընդգծել է տնտեսագետ Ֆիլ Ֆիշերի՝ ներդրումների մասին գիրքը, որում հանրային ընկերության կառավարումը համեմատվում է ռեստորանի ղեկավարման հետ: Կամ պետք է մատուցել «համբուրգեր կոլայով», կամ «ֆրանսիական խոհանոց եւ գինի», սակայն չպետք է «անցնել մեկից մյուսին»,-գրել է միլիարդատերը՝ հղում անելով գրքին: Նա ընդգծել է, որ Berkshire-ն արդեն 56 տարի մատուցում է համբուրգերներ կոլայով եւ փայփայում իր հաճախորդներին, որոնց դա գրավել է:
Տարվա արդյունքները Berkshire-ի համար
Չորրորդ եռամսյակում Berkshire-ի օպերացիոն շահույթն աճել է 14 տոկոսով՝ հասնելով 5,02 միլիարդ դոլարի, հայտնել են ընկերությունից: Զուտ շահույթը մեծացել է 23 տոկոսով՝ հասնելով 35,84 միլիարդ դոլարի: 2020 թվականի ընթացքում օպերացիոն շահույթն անկել է 9 տոկոսով՝ մինչեւ 21,92 միլիարդ դոլար, զուտ շահույթը կրճատվել է 48 տոկոսով՝ մինչեւ 42,52 միլիարդ դոլար:
Երկու տարի շարունակ Berkshire-ի բաժնետոմսերը հետ են մնացել լայն շուկայից, նշում է The Wall Street Journal-ը: Տարվա ընթացքում S&P 500 ինդեքսն աճել է 16,3 տոկոսով, մինչդեռ Berkshire