«Նա որևէ կերպ չի բացատրել իր խոսքերը». ռուսական ԶԼՄ-ների անդրադարձն Արցախյան պատերազմում «Իսկանդեր» համալիրի անարդյունավետության մասին Փաշինյանի հայտարարությանը

Ռուսական լրատվամիջոցներն անդրադարձել են Նիկոլ Փաշինյանի նախօրեին արած հայտարարությանը, որի համաձայն` ռուսական «Իսկանդեր» օպերատիվ-մարտավարական հրթիռային համալիրներն անգործունակ են:

Փաշինյանի հայտարարությանն անդրադարձել է «Վեդոմոստի»-ն՝ հիշեցնելով, որ 2016 թվականին այլ պետությունների շարքում Հայաստանն առաջինն է ստացել «Իսկանդեր» համալիրները, որոնք նույն տարվա սեպտեմբերին ցուցադրվել են Անկախության օրվան նվիրված ռազմական շքերթում:

«Այդ սպառազինումը Հայաստանը ձեռք է բերել ՀԱՊԿ շրջանակներում զենքի մատակարարման մասին համաձայնագրերի հիման վրա: Համակարգի հիմնական նշանակությունը հակառակորդի ՀՕՊ և ՀՀՊ համակարգերի, ինչպես նաև մինչև 500 կմ հեռավորությամբ գտնվող թիրախների ոչնչացումն է: Հայաստանի զինանոցում ընդգրկված է «Իսկանդեր» համալիրի արտահանման համար նախատեսված տարբերակը՝ 280 կմ հեռահարությամբ»,- ընդգծել է պարբերականը:

Փաշինյանի հայտարարությանն անդրադարձել է նաև «Գազետա»-ն՝ շեշտելով, որ նման մեկնաբանությամբ վերջինս պատասխանել է Հայաստանի երրորդ նախագահ Սերժ Սարգսյանի՝ ավելի վաղ տված հարցին, թե ինչու պատերազմական գործողություններում չեն կիրառվել ռուսական «Իսկանդեր» համալիրները:

«Չպայթած» օպերատիվ-մարտավարական հրթիռային համակարգի մասին Փաշինյանի հայտարարության անդրադարձել է նաև «ՌԻԱ Նովոստի» գործակալությունը՝ հիշատակելով, որ «Իսկանդերի» կիրառման մասին նոյեմբերին հայտարարել էր ՀՀ ՊՆ ռազմական վերահսկողության ծառայության նախկին պետ Մովսես Հակոբյանը, սակայն չէր նշել, թե որ ուղղությամբ է կիրառվել համալիրը:

«Վարչապետն ուղղակիորեն չի հայտարարել համալիրների կիրառման մասին և ոչ մի կերպ չի բացատրել իր խոսքերը»,- նկատում է «Կոմերսանտ» պարբերականը՝ անդրադանալով Փաշինյանի՝ «պայթել են միայն 10 տոկոսով» արտահայտությանը:

«Իսկանդեր» համալիրի արդյունավետության վերաբերյալ Փաշինյանի հայտարարած կասկածին անդրադառնալով՝ «Ինտերֆաքս» գործակալությունը նույնպես մատնանշել է, որ այդ համալիրները ցուցադրվել են 2016 թվականի ռազմաշքերթի ժամանակ, ինչպես նաև հիշեցրել է ԶԼՄ-ներում հայտնված տեղեկությունն այն մասին, որ «Իսկանդեր» համալիրը գործարկվել է Հայաստանի կողմից պատերազմի վերջին օրերին Շուշի քաղաքի ուղղությամբ:

Փաշինյանի հայտարարությանն անդրադարձել է նաև«ՌԲԿ» պարբերականը՝ միևնույն ժամանակ նշելով. «Ղարաբաղում անցյալ տարի տեղի ունեցած հակամարտության ժամանակ Հայաստանի սպառազինման կազմում ընդգրկված են եղել առնվազն 16 հրթիռային համալիրներ՝ 8 «Էլբրուս», 4 «Տոչկա» և 4 «Իսկանդեր» տեսակի համալիրներ»:

Ավելի վաղ «Իսկանդերների» «անգործունակության» մասին Փաշինյանի հայտարարությանն անդրադարձել էր նաև «Լենտա»-ն:

Նախօրեին 1in.am-ին տված հարցազրույցում Նիկոլ Փաշինյանն անդրադարձել է ՀՀ երրորդ նախագահ Սերժ Սարգսյանի հայտարարությանը, ըստ որի՝ ինքը զարմացած է, թե ինչու պատերազմի 3-րդ կամ 4-րդ օրն «Իսկանդեր»-ը չի կիրառվել:

Նվեր Մնացականյանը Փաշինյանից հետաքրքրվել է՝ այդ ակնարկն իրե՞ն է ուղղված, ինչին ի պատասխան Նիկոլ Փաշինյանն ասել է. «Այդ ակնարկը, գուցե, հասցեագրված է նաև ինձ, բայց կարծում եմ՝ մերժվածը պետք է որ բազմաթիվ հարցերի պատասխան իմանա և չտա հարցեր, որոնց պատասխանն ինքը գիտի: Իսկ գուցե պատասխանե՞ն՝ ինչո՞ւ կրակած «Իսկանդեր»-ը (հրթիռը, - խմբ.) չի պայթել կամ պայթել է, օրինակ՝ 10 տոկոսով»: Դիտարկմանը՝ այդպե՞ս էլ է լինում, Փաշինյանը նշել է. «Չգիտեմ: 80-ականների զե՞նք էր գուցե»:

ԼՐԱՀՈՍ
12:17 • 24/02
Լիոնի քաղաքապետի՝ դպրոցական ճաշարաններից միսը հեռացնելու որոշումն իր և Ֆրանսիայի կառավարության պաշտոնյաների միջև լուրջ տարաձայնությունների է հանգեցրել․ Fox News
12:03 • 24/02
Ռուս դերասան Դմիտրի Պիսարենկոյին մահացած են գտել Մոսկվայի իր բնակարանում
youtube subscribe
11:55 • 24/02
Ինչո՞ւ է իշխանությունը դեմ պարիտետային փաստահավաք հանձնաժողովի ստեղծմանը, եթե ինքն է ամենաբարձր մակարդակով հարցականի տակ առնում բազմաթիվ կարևոր հարցեր, այդ թվում՝ սպառազինության հարցը․ Է․ Մարուքյան
11:52 • 24/02
Ես տեսել եմ արյուն, բայց չեմ կարող ասել՝ դա ուժ կիրառելու արդյունք է, թե՝ անհաջող գրկախառնության․ Անդրանիկ Քոչարյանը՝ Իշխան Սաղաթելյանի և ոստիկանների միջադեպի մասին
11:52 • 24/02
էլիզաբեթ 2-րդի զարմիկը 10 ամսվա ազատազրկման է դատապարտվել ամրոցում սեռական ոտնձգություն իրականացնելու համար
11:51 • 24/02
Փաշինյանի հրաժարականը պահանջող երիտասարդների անհնազանդության ակցիան՝ ուղիղ
11:47 • 24/02
«Վարդաշեն» քրեակատարողական հիմնարկում կանխվել է դատապարտյալի փախուստի փորձը
11:41 • 24/02
Առաջին անգամ Հայաստանում կստեղծվի եվրոպական չափանիշներին համապատասխան բիոբանկ
11:39 • 24/02
Չինական «Տյանվեն-1» մարսագնացը հաջողությամբ մտել է Կարմիր մոլորակի ուղեծիր
11:33 • 24/02
Մ19 Եվրոպայի 2021 թվականի առաջնությունը չեղարկվել է
11:31 • 24/02
«Նա իսկը մայրն է»․ ռեփեր Թրևիս Սքոթն իր և Քայլի Ջեների 3-ամյա դստեր հետ հայտնվել է i-D ամսագրի նոր համարում (լուսանկարներ)
11:27 • 24/02
Հունաստանում առողջապահական ոլորտի աշխատակիցները