Արարատ Միրզոյանը մասնակցել է «Իմ քայլի» փակ նիստին. Նա ապաքինվելուց հետո առաջին անգամ է ԱԺ եկել
ԱԺ իշխող «Իմ քայլը» խմբակցությունը խորհրդարանում փակ նիստ է անցկացրել։ Խմբակցությունը քննարկել է ստեղծված իրավիճակն ու առաջիկա անելիքները։
Factor.am-ի տեղեկություններով՝ նիստին մասնակցում էր ԱԺ նախագահ Արարատ Միրզոյանը, որը ապաքինումից հետո առաջին անգամ է խորհրդարան գալիս։ Լուրը մեզ հետ զրույցում հաստատեց պատգամավոր Արտակ Մանուկյանը։
Հիշեցնենք, որ Միրզոյանը նոյեմբերի 9-ի, լույս 10-ի գիշերը հարձակման էր ենթարկվել մի խումբ քաղաքացիների կողմից։ ԱԺ նախագահը դրանից հետո մի քանի վիրահատության է ենթարկվել և վերջին օրերին ապաքինման փուլում էր։