Միջպետական ավիացիոն կոմիտեն անհանգստացած է Ղարաբաղում սրման պատճառով թռիչքների անվտանգությամբ
Միջպետական ավիացիոն կոմիտեն լուրջ մտահոգություն է հայտնում միջազգային թռիչքներ իրականացնող օդանավերի, դրանց անձնակազմերի եւ ուղեւորների, ինչպես նաեւ քաղաքացիական ցամաքային օբյեկտների անվտանգության վերաբերյալ` կապված հրթիռների եւ այլ տեսակի զենքերի օգտագործմաբ Լեռնային Ղարաբաղի շուրջ զինված հակամարտության հետ:
«Օդային երթեւեկության վերահսկող մարմինները եւ աերոնավիգացիայի ծառայություններ մատուցողները ձեռնարկել են որոշակի գործողություններ, այդ թվում՝ միջազգային թռիչքների գոտիական սահմանափակումների հետ կապված: Այնուամենայնիվ, մտահոգություն է առաջացնում այդ թռիչքների անվտանգությունը եւ մարդկանց կյանքին հնարավոր սպառնալիքները ամբողջությամբ կանխելու միջոցառումների բավարարության հարցը: Այս առումով, Միջպետական ավիացիոն կոմիտեն առաջարկում է նվազագույն ժամկետում՝
- ձեռնարկել մի շարք միջոցառումներ՝ ուղղված միջազգային իրավունքի նորմերի անվերապահ իրականացմանը եւ քաղաքացիական օբյեկտներին եւ օդանավակայաններին ՀՕՊ համակարգերով եւ ոչնչացման այլ միջոցներով վնասելու լիակատար կանխմանը՝ հաշվի առնելով հակամարտության գոտում գտնվող զենքի տակտիկական եւ տեխնիկական բնութագրերը,
- ՆԳՎ մարմինները եւ քաղաքացիական ավիացիայի ավիանավիգացիոն ծառայություններ մատուցողները համապատասխան մարմինների հետ համակարգելով եւ փոխգործակցությամբ միջազգային թռիչքների տարածքներում ապահովեն անվտանգությունը,
- ավիաընկերությունների համար, որոնք թռչում են Հարավային Կովկասի տարածաշրջանով, գնահատել քաղաքացիական ինքնաթիռների թռիչքների անվտանգությունը՝ հակամարտության գոտիներից եւ դրանց հարակից տարածքներից վտանգի կանխումը ապահովելու համար,
- Քաղավիացիայի միջազգակին կազմակերպության շրջանակներում ստեղծել մշտական մարմին, որը բաղկացած կլինի շահագրգիռ պետությունների եւ միջազգային կազմակերպությունների ներկայացուցիչներից` արագ արձագանքելու քաղաքացիական ինքնաթիռների համար վտանգ ներկայացնող կոնֆլիկտային իրավիճակներին եւ վերահսկելու քաղաքացիական ավիացիայի եւ ավիացիայի անվտանգության առումով առաջարկությունների եւ ընդհանուր առմամբ անվտանգության հետ կապված որոշումների պատշաճ կատարումը:
Միջպետական ավիացիոն կոմիտեն հույս է հայտնում, որ կառավարությունների, քաղաքացիական ավիացիայի մարմինների եւ օդային տրանսպորտի մարմինների գործողությունները կապահովեն քաղաքացիական ավիացիայի անվտանգությունը՝ միջազգային նորմերի եւ ՔԱՄԿ Չիկագոյի կոնվենցիայի դրույթների համապատասխան, որ ամենակարեւորն է՝ կապահովեն մարդկանց անվտանգությունը»: