AstraZeneca. COVID-19-ի դեմ պատվաստանյութի արդյունավետությունը հայտնի կդառնա տարեվերջին, եթե փորձարկումները վերսկսվեն
AstraZeneca-ն մինչեւ տարեվերջ տեղեկատվություն կստանա այն մասին` արդյո՞ք իր փորձարարական պատվաստանյութը կարող է պաշտպանել մարդկանց COVID-19-ից` պայմանով, որ բրիտանական դեղագործական ընկերությանը կթույլատրվի շարունակել փորձարկումները, փոխանցում է Reuters-ը:
AstraZeneca-ն չգիտի ուսումնասիրությանը մասնակցած կամավորի ախտորոշումը. դրա համար անհրաժեշտ է ավելի շատ թեստեր անցկացնել, ասել է Սորիոն:
Ավելի վաղ լրատվամիջոցները հայտնում էին, որ պատվաստանյութի փորձարկման մասնակիցը տառապում է նյարդաբանական ախտանիշներից, որոնք նման են լայնակի միելիտին: Կամավորի ախտորոշումը կուղարկվի անվտանգության անկախ կոմիտե, որն այնուհետեւ սովորաբար հայտնում է ընկերությանը` հնարավոր է վերսկսել հետազոտությունը, թե ոչ, հավելել է Սորիոն: