Ինչպիսին կլինեն այս տարի խաղողի մեծածախ եւ մանրածախ գները Հայաստանում
Բերքի հսկայական քանակի բաշխման եւ գինու ու կոնյակի արտադրության ոլորտում ցուցանիշների նվազման հետ կապված սպասվող խնդիրը կհանգեցնի կոնյակի խաղողի գնման գների 20 դրամով, իսկ գինու բերքի՝ 20-40 դրամով նվազմանը՝ 1 կիլոգրամի համար,: Այս մասին NEWS.am-ի թղթակցի հետ զրույցում ասել է Հայաստանի գինեգործների միության նախագահ Ավագ Հարությունյանը:
«Եթե անցյալ տարի գնման միջին գինը տատանվում էր մեկ կիլոգրամի դիմաց 150 դրամի մակարդակում, ապա այս տարի այն կկազմի մոտավորապես 130-140 դրամ: Կոնյակի արտադրության համար առաջարկվել է 2 տարի ժամկետով անտոկոս վարկի տրամադրման հաջող ծրագիր` 6-ամսյա արտոնյալ ժամկետով, ինչը մասամբ կլուծի խնդիրը: Խնդիրը կթեթեւացնի նաեւ սուբսիդավորման նախատեսված ծրագիրը, որը որոշ չափով կարող է լուծել «Արենի» տեսակի գինիների հարցը»,- նշեց նա։
Նրա խոսքերով՝ 1 կգ խաղողի մանրածախ գինը կկազմի մոտավորապես 220-250 դրամ:
«Գնային այդքան մեծ տարբերությունը պայմանավորված է նրանով, որ արտադրողի եւ սպառողի միջեւ կա առնվազն երկու միջնորդ` մեծածախ եւ մանրածախ: Իրավիճակը կփոխվի այն ժամանակ, երբ արտադրողը լիարժեք սուբյեկտ դառնա վաճառքի շուկայում»,- եզրափակեց Հարությունյանը: