Դուբայում մայիսի 27-ից վերսկսվում է բիզնեսի աշխատանքը

Դուբայի էմիրության իշխանությունները թույլ են տվել բիզնեսին մայիսի 27-ից վերսկսել իր գործունեությունը: Այս մասին, ըստ Al Arabiya հեռուստաալիքի, հայտնել է էմիրության մամուլի կենտրոնը:

«Չորեքշաբթի օրվանից՝ մայիսի 27-ից, թույլատրվում է բացել կինոթատրոններ եւ մարզական կենտրոնները, ինչպես նաեւ՝ բիզնեսի այլ տեսակներ վարել 06: 00-ից 23:00-ն ընկած ժամանակահատվածում՝ անվտանգության բոլոր նախազգուշական միջոցների պահպանմամբ»,- նշվում է մամուլի հաղորդագրության մեջ: Մարդիկ պարտավոր են դիմակներ կրել հասարակական վայրերում եւ երկու մետր սոցիալական հեռավորություն պահպանել, փոխանցում է ՏԱՍՍ-ը:

Ինչպես նշվում է, չորեքշաբթիից աշխանքի կարող են վերադառնալ մանրածախ եւ մեծածախ առեւտրի խանութները, ուսումնական կենտրոնները եւ դասընթացներ, մանկական կենտրոնները, մարզադահլիճները, ֆիթնես ակումբները, կինոթատրոնները եւ ժամանցի այլ հաստատությունները: Մայիսի 12-ից Դուբայում բացվել էին հյուրանոցների լողափերը, բնակիչներին թույլատրվել է փողոցով քայլել ու սպորտով զբաղվել առավելագույնը հինգ հոգուց բաղկացած փոքր խմբերով: Լողափերին այցելուներին խորհուրդ է տրվում երկու մետր հեռավորություն պահպանել միմյանց միջեւ, մարդկանց խմբերի միջեւ հեռավորությունը պետք է չորս մետր լինի:

Հյուրանոցներին հանձնարարվել է հաշվի առնել այս պահանջները լողափերում պառկելաթախտերը տեղադրելիս, ընդ որում, հանգստացողների յուրաքանչյուր խմբում կարող է լինել ոչ ավել, քան 10 մարդ: Բացի այդ, լողափեր մուտքը խստորեն թույլատրվում է միայն հյուրանոցների հյուրերին, փողոցից հյուրերն արգելվում են, լողափերի առավելագույն ծանրաբեռնվախությունը, ինչպես նշված է, չպետք է գերազանցի 30 տոկոսը:

Հասարակական լողափերը դեռ փակ են: Թույլատրվում է այնպիսի մարզաձեւերով զբաղվել, ինչպիսիք են լողը, հեծանիվը: Այս կապակցությամբ հեծանիվների վարձակալման կետերը եւս վերսկսել են իրենց աշխատանքը: