Շվեդիայի իշխանությունների՝ կարանտինից հրաժարումն օգուտ չի բերել
Շվեդիայի իշխանությունների՝ կարանտինից հրաժարումն օգուտ չի բերել, գրում է ՌԻԱ Նովոստին՝ հղում անելով Financial Times-ին:
Ի տարբերություն այլ Սկանդինավյան երկրների՝ Շվեդիան սահմանափակումները չի կարգավորել օրենսդրական մակարդակով: Իշխանությունները նման որոշում են կայացրել, որպեսզի աջակցեն տնտեսությանը:
Handelsbanken-ի գլխավոր տնտեսագետ Քրիստինա Նիմանը նշել է, որ հետեւանքները գնահատելը վաղ է:
Riksbank-ի կանխատեսումներով՝ Շվեդիայի ՀՆԱ-ն երկարաժամկետ հեռանկարով կարող է կրճատվել 7-10 տոկոսով, ինչը աղետալի ցուցանիշ է երկրի համար:
ԱՀԿ-ի տվյալներով՝ Շվեդիայում կորոնավիրուսով վարակվել է ավելի քան 30 000 մարդ, մահացել է 3600 մարդ: Ընդ որում, հարեւան Նորվեգիայում վարակվել է 8197 մարդ, Ֆինլանդիայում՝ 6347: Երկու երկրներում զոհերի թիվը չի գերազանցում 300-ը: