Արագածոտնի մարզում 26-ամյա վարորդը վրաերթի է ենթարկել 29-ամյա հետիոտնին. բժիշկները պայքարում են վիրավորի կյանքի համար (Տեսանյութ և լուսանկարներ)
Այսօր՝ մայիսի 16-ին, ավտովթար-վրաերթ է տեղի ունեցել Արագածոտնի մարզում։ Ժամը 00;50-ի սահմաններում Արագածոտնի մարզի բնակիչ՝ 26-ամյա Գոռ Գ-ն իր վարած Mercedes մակնիշի 27 DD 722 համարանիշի ավտոմեքենայով Երևան-Գյումրի ավտոճանապարհի 29 կմ հատվածում բախվել է Բյուրական գյուղի բնակիչ՝ 26-ամյա Նարեկ Ս-ին պատկանող, կայանված վիճակում գտնվող BMW X5 մակնիշի 35 FՏ 178 համարանիշի ավտոմեքենային, գրում է Shamshyan.com կայքը:
Ինչպես դեպքի վայրից հայտնում է ֆոտոլրագրող Գագիկ Շամշյանը, բախումից հետո Գոռ Գ-ն վրաերթի է ենթարկել հետիոտն՝ Բյուրական գյուղի բնակիչ, 29-ամյա Սերյոժա Մ-ին։
Վրաերթի ենթարկվածը ծայրահեղ ծանր ախտորոշմամբ օպերատիվորեն դեպքի վայր ժամանած Աշտարաի հիվանդանոցի բժիշկներր կողմից նախ տեղում առաջին բուժօգնությունն է ստացել, ապա տեղափոխվել «Աշտարակ» բժշկական կենտրոն, որտեղից էլ՝ Երևանի «Արմենիա» բժշկական կենտրոն, որտեղ ժամեր անց, գիտակցության չգալով, մահացել է։
Դեպքի վայրում հավաքվածներն ասում էին որ վիրավորին հիվանդանոց է ուղեկցել Ճանապարհային ոստիկանության 2-րդ սպայական գումարտակի 2-րդ վաշտի 1-ն դասակի հրամանատար Հրանտ Գալստյանը։ Տեղում աշխատում էր նույն վաշտի ավագ հետաքննիչ Վահագն Էլոյանը, սակայն, երբ պարզվեց, որ վրաերթի ենթարկվածը ծայրահեղ ծանր է, դեպքի վայր ժամանեցին Հայաստանի քննչական կոմիտեի Արագածոտնի մարզային քննչական վարչության քննիչները՝ ՀԿԳ ավագ քննիչ Հովիկ Նիկողոսյանի գլխավորությամբ, ում կողմից փաստի առթիվ նյութեր են նախապատրաստվում։
Վթարի մասին ՃՈ 1-77 օպերատիվ կառավարման կենտրոնի պատասխանատու հերթապահ Յուրա Հովհաննիսյանը տեղեկությունը փոխանցել է ոստիկանության Աշտարակի բաժին, որտեղից ժամանել է օպերատիվ խումբը՝ հերթապահ մասի պետ Հարությունյանի գլխավորությամբ։ Քննիչի հանձնարարականով ավտոմեքենաները տեղափոխվել են ոստիկանության Աշտարակի բաժնի պահպանվող հատուկ տարածք։ Գ. Շամշյանի տեղեկություններով՝ Mеrcedes-ի վարորդն աշխատում է «Յունիբանկ» ՓԲԸ Աշտարակի մասնաճյուղում՝ որպես վարկային մասնագետ։
Լուսանկարները և տեսանյութը Գագիկ Շամշյանի