Քաշքշուկի ժամանակ Ա. Միրզոյանը ինձ քաշեց մի կողմ, թե գնանք իմ կաբինետ, այնտեղ նստած էր Նիկոլ Փաշինյանը. Այն, որ դուք տեսել եք ելույթ ունենալիս, լրիվ ուրիշ Փաշինյան էր, կաբինետում՝ ուրիշ․ Մարուքյան

Ինչպես արդեն ասել էինք, երեկ ուշ երեկոյան Էդմոն Մարուքյանը հանդես էր եկել Ֆեյսբուքյան ուղիղ եթերով` գնահատական տալու երեկվա մեղմ ասած տգեղ միջադեպին ԱԺ-ում :

Քաշքշուկի ժամանակ Արարատ Միրզոյանը ինձ քաշեց մի կողմ, թե գնանք իմ կաբինետ, այնտեղ նստած էր Նիկոլ Փաշինյանը։ Այն, որ դուք տեսել եք ելույթ ունենալիս, լրիվ ուրիշ Փաշինյան էր, կաբինետում՝ ուրիշ։ Ուղիղ եթերում հայտարարել է ԱԺ «Լուսավոր Հայաստան» խմբակցության նախագահը։

«Նախ միջադեպի մասին։ Քննարկվում էր կառավարության կատարողականը։ Ես ելույթ չունեցա, ուզում էի կենտրոնանալ վարչապետի այն ասածների վրա, որ թալանը չկարողացավ հետ բերել։ Երկրորդ միտքս էլ համերաշխության մթնոլորտն էր։ Քննարկվում էր ապօրինի գույքի բռնագանձման հարցը, ես ուզում է մոդել առաջարկել։ Բայց ինչ եղավ։ Ինձանից առաջ ամբիոնից խոսում էր Բաբկեն Թունյանը։ Նա օգտագործեց սրիկա եւ նման այլ ձեւակերպումներ։ Նաեւ բողոքում էր, որ իր համարը տվել եմ մարդկանց․․․ Պատկերացնո՞ւմ եք՝ պատգամավորն ասում է, որ իր համարն ունեն ընտրողները։ 120 զանգ է ստացել, այդքան զանգ ստանալով ջղայնացել է, դրանից էր բողոքում։ Դա էի ասում եւ նրա այդ սրիկա արտահայտության անթույլատրելիության, նա էլ ասում էր՝ ձեր վրա վերցրեցիք, ես էլ ասում եմ՝ չվերցրեցի, թողեք ասեմ, կիմանաք։ Այդ պահին Սասուն Միքայելյանն իր տեղից բան է ասում, ես չեմ լսում, որովհետեւ Թունյանին եմ նայում, ու իմ ականջը ծակում է՝ «հոպար, հոպա՜ր»։ Շրջվում եմ՝ տեսնեմ, պարոն Միքայելյանը հունից դուրս եկած «հոպար» է գոռում, Ասում եմ՝ հոպար մի ասեք․․․ Դե, տեսանյութը դուք տեսել եք։ Ու տեսնում եմ սեղանի շիշը վերցնելու նրա ձեւը։ Կարող է՝ ուզում էր ջուր խմի, կողքինին հյուրասիրի․․․ Ոչ, նա ուզում էր այդ շիշը շպրտել ինձ վրա։ Այդ շիշը վերցրեց պարոն Անդրանիկ Քոչարյանը։ Հետո ես լսեցի տարբեր վիրավորանքներ՝ գլուխդ կցխեմ, վիզդ կկտրեմ․․․ Ես ասում էի՝ այդ ձեւ մի խոսա, այդ ձեւով խոսելը մեզ հետ, նշանակում է այդ կերպ վերաբերվել 80 հազար ընտրողի հետ, կամ ավելի շատ։ Եվ Սասուն Միքայելյանը տեղից վեր կացավ ու շատ մարտական առաջ եկավ։ Ես ընդառաջ գնացի, մտածեցի, որ ամբիոնի մոտ ինձ չմոտենա։ Մտածեցի գնամ՝ ձեռքերը պահեմ, երեւի կբռթբռթի, կհամոզեմ, տեղը կնստեցնեմ, կվերադառնամ։ Խփելն ինձ համար անսպասելի էր։ Նա ինձ խփեց, պատգամավորները վազեցին, մոտեցան, այդ ընթացքում ես էլ ոտքով խփեցի, եւ Արտակ Մանուկյանը հետեւից գլխիս խփեց։ Ուժեղ չէր, Սասուն Միքայելյանի հարված էլ ուժեղ չէր, դրանից հետո Վահե Ղալումյանը հետեւից հարվածեց էս մասին (ցույց է տալիս աջ ականջի հատվածը՝ խմբ․), դա ուժեղ հարված էր։ Դա էր ամենաուժեղ հարվածը։ Հետո ես մոտեցա ամբիոնին, ասացի՝ էս ինչ եք անում, հետեւից ե՞ք խփում։ Ինչքան էլ խփեք, ինձ ծեծեք, ես էլի խոսելու եմ»։

Ընդմիջում հայտարարելուց հետո, Մարուքյանի պատմելով, իրեն տարբեր կողմերից քաշքշել են․

«Արարատ Միրզոյանը քաշեց թեւիցս, թե գնանք իմ կաբինետ։ Այնտեղ նստած էր Նիկոլ Փաշինյանը։ Այն, որ դուք տեսել եք ելույթ ունենալիս, լրիվ ուրիշ Փաշինյան էր, կաբինետում՝ ուրիշ։ Եվ այնտեղ ես եւ Նիկոլ Փաշինյանը, իր հեռախոսով նայեցինք տեսանյութը։ Ինքն այնտեղ էլ հարցրեց, բա ոնց եղավ։ Ասացի զանգեր ունեմ, հետո կգամ։ Մենք մեր խմբակցությունով հավաքվեցինք, այդ ընթացքում լսում ենք իրենց բրիֆինգները՝ մեզ սադրեցին, նախկինների հետ են, նման բաներ։ Երեք ժամ անց սպասում եմ, որ կդատապարտեն, ժողովրդավարական արժեքներին ոչ հարիր կբնորոշեն։ Ամբիոնի մոտ խփել են խմբակցության ղեկավարին»։

Էդմոն Մարուքյանը պնդում է, որ այդպիսի բան Հայաստանի պամության մեջ չէր եղել․

«Ենթադրվում էր, որ, եթե իմ ու Սասուն Միքայելյանի միջեւ բան է եղել, մյուսները պետք է գան ազատեն։ Բոլոր խորհրդարաններում էլ լինում է։ Բայց ինչ է տեղի ունենում, առիթից օգտվում են, մեկը ծիծաղում է, մյուսը հետեւից խփում է․․․ Եվ մենք ասում ենք, որ քաղաքական գնահատական պետք է տրվի։ Երկու հանգամանք եմ ուզում մատնանշել․ այդ ամբողջ ընթացքում Փաշինյանը դահլիճում էր, նա կարող էր տեղից վեր կենալ, գոռալ, կարգի հրավիրել․․ Նա չարեց այդ ամեն ինչը։ Հիմա անալիզ եմ անում՝ ինչի էր սպասում, որ 88 հոգով հարձակվեին 17 հոգու վրա՞։ Ինչ որ բրիֆինգներ, թե վարչապետն այնտեղ չէր եւ նման բաներ․․․ Սուտ է։ Երկրորդ հանգամանքը․ հնչում է՝ վիզդ կկտրեմ, կցխեմ․․․ Մեկ ամիս առաջ ենք օրենք ընդունել բռնության անընդունելիության մասին։ Եվ հիմա այդ բռնությունը եւ հաջորդած ելույթները՝ պադյեզդներում ծեծելու, ասֆալտին փռելու մասին»։

Հիշեցնենք, նույն ուղիղ եթերի ժամանակ նա հնչեցրել էր հայտարարություն, թե՝ Մենք մեզ տեսնում ենք հաջորդ իշխանություն:

Այս թեմայով կարդացեք նաև` Նիկոլ Փաշինյանն իր ամագը ջուրը լցրեց. Նրանց համար, ում թվում էր, թե նա հեղափոխության առաջնորդ է, պարզվեց, նա ընդամենը կուսակցության լիդեր է. Մարուքյան