Կոնտակտային ոսպնյակների օգտագործումը մեծացնում է կորոնավիրուսով վարակման ռիսկը

Կոնտակտային ոսպնյակների օգտագործումը մեծացնում է կորոնավիրուսով վարակման ռիսկը, ուստի համաճարակի ժամանակ ավելի լավ է հրաժարվել ոսպնյակներից` ակնոցի օգտին, կարծում է Պիրոգովի անվան կենտրոնի ակնաբուժական կլինիկայի ղեկավար, պրոֆեսոր Ռինատ Ֆայզրախմանովը (Ռուսաստան):

«Եթե ակնոց կրելու հնարավորություն չկա, ապա անհրաժեշտ է մանրակրկիտ լվանալ ձեռքերը նախքան ոսպնյակները դնելը կամ փոխելը, ինչպես նաեւ հետեւել բազմանգամյա օգտագործման ոսպնյակների համար տարայի հիգիենային. հաճախ լվացեք այն սեդայաջրով եւ չորացրեք: Հիվանդանալիս, մրսածության կամ գրիպի առաջին ախտանիշների դեպքում պետք է հրաժարվել ոսպնյակներից»,- նշել է մասնագետը:

Ըստ նրա` բժշկական գրականության մեջ արդեն բավարար ապացույցներ կան, որ նոր կորոնավիրուսը կարող է փոխանցվել աչքերի միջոցով: Ուստի նրանց, ով անմիջական շփման մեջ են հիվանդների հետ, հիմնականում` բժիշկներին, խորհուրդ է տրվում պաշտպանիչ ակնոց կրել:

Հարկ է հաշվի առնել նաեւ, որ վարակումը հնարավոր է ոչ միայն վարակված անձի հետ շփման արդյունքում, այլ նաեւ` այն իրերի հետ կոնտակտից հետո, որոնցից վարակված մարդն օգտվել է:

Հիշեցնենք, որ հաստատված COVID-19-ով եւ կոնյուկտիվիտի ախտանիշներով հիվանդների մոտ կորոնավիրուս է հայտնաբերվել արցունքի հեղուկում, ընդ որում, վիրուսների կոնցենտրացիան բավարար էր դրա տարածման համար: