Վերջին օրերին աննախադեպ ավելացել է հրդեհների քանակը. օրական մինչեւ 100 հրդեհ ենք ունենում. Ցոլակյան
Վերջին օրերին աննախադեպ ավելացել է հրդեհների քանակը: Այս մասին այսօր՝ մարտի 12-ին, կառավարության նիստում հայտարարեց ԱԻ նախարար Ֆելիքս Ցոլակյանը:
«Օրական մինչեւ 100 հրդեհ ենք ունենում, որն այս սեզոնի համար շատ բարձր ցուցանիշ է եւ արդեն դժվարություններ են առաջանում մի տեղից մյուսը գնալու եւ հրդեհները մարելու հետ կապված: Տարածքային կառավարման մարմինները շատ լուրջ պետք է սրանով զբաղվեն: Գյուղացիներն իրենց այգիների տերեւները, ավելցուկը հավաքում են ու այրում են, հետո չեն հետեւում ու կրակը տարածվում է:
Բացի այդ, կան նաեւ այլ պատճառներով հրդեհներ: Մենք հիմա ունենք անտառային հրդեհների դեպքեր, որն այս սեզոնին հատուկ չէ: Օրինակ երեկ ունեցել ենք 95 հրդեհ»,-ասաց նա՝ խնդրելով, որ համայնքի ղեկավարներն ուշադիր լինեն: