ԱՄՆ-ում ստեղծված կիբորգ մեդուզան կարող է կիրառվել որպես ծովային հետախույզ
Թվում է՝ մեդուզաները դանդաղաշարժ եւ ծույլ են միայն նրանց համար, ովքեր մակերեսային տեղեկություններ ունեն մեդուզաների մասին: Իրականում դրանք ամենաարդյունավետ լողորդներն են, պնդում են ամերիկացի գիտնականները, որոնք ստեղծել են կիբորգ մեդուզաներ, որոնք ունակ են կատարել հետախուզական առաքելություն ծովում, հաղորդում է Planet- today-ը:
Բիոհիբրիդային օրգանիզմը, որի հիմքում կենդանի մեդուզա է, որը համալրված է մի շարք բարձր ճշգրտության սենսորներով, որոնց շնորհիվ կիբորգ մեդուզան կարող է գրանցել մի շարք միջավայրային պարամետրեր: Կիբորգն արդեն անցել է առաջին փորձարկումներն ու ցուցադրել հիանալի հեռանկարներ:
«Էլեկտրական կարդիոխթանիչը, որը մենք տեղադրել ենք կենդանի մեդուզայի մարմնի մեջ, գեներացնում է ազդակները հատուկ հաջորդականությամբ, որի շնորհիվ մենք կարող ենք կառավարել կիբորգի վարքը: Էլեկտրական ազդակները ստիպում են մեդուզային շարժվել ավելի մեծ արագությամբ, սակայն այստեղ կարեւոր է չափի զգացումը կենդանու օրգանիզմը չվնասելու համար»,-պատմել են անհավանական տեխնոլոգիայի հեղինակները՝ Սթենֆորդի համալսարանի աշխատակիցները:
Գիտնականներն ասում են, որ կիբորգ օրգանիզմները չեն օգտագործվի ռազմական նպատակով: Այսինքն՝ կիբորգ մեդուզայի հետախուզական ունակությունները կսահմանափակվեն օվկիանոսի խորքերի մասին տեղեկատվության հավաքագրմամբ: Բացի մեդուզաներից, գիտնականները փորձարկում են նաեւ այլ ծովային կենդանիներին կիբորգների վերածելու հնարավորությունը: