Միաբանության սիրո ճաշ՝ առանց իշխանավորների. «Հրապարակ»
«Հրապարակ» թերթը գրում է.
«Վեհափառի մասնակցությամբ կիրակնօրյա պատարագներն արդեն 1 տարի է՝ տեղի են ունենում Սբ Գայանե եկեղեցում. Մայր տաճարը վերանորոգվում է։ Պատարագն այս անգամ համընկել էր Վեհափառի 20-ամյա գահակալությանը և Բարձրագույն հոգևոր ժողովին։
Այնտեղ էին բոլոր թեմերի առաջնորդները, այդ թվում` Արցախի թեմի, Վատիկանում կաթողիկոսի ներկայացուցիչը: Իշխանությունից ոչ ոք չկար:
Հարցին, թե որևէ միջոցառում նախատեսվա՞ծ է, Գևորգյան ճեմարանի տեսուչ Գարեգին վարդապետն ասաց․ «Միաբանության սիրո ճաշ կլինի»: Իշխանություններից ներկաներ չե՞ն լինի։ «Ոչ»: Մեզ ասացին նաև. «Եկող տարի աշնանը կանցկացվի Ազգային եկեղեցական ժողով, կլինի եպիսկոպոսական ձեռնադրություն, կնշենք նաև այդ տարեդարձը»: Բայց դա կլինի ոչ թե 20-րդ, այլ 21-րդ տարին։ «Ոչինչ, ոչինչ, էդպես էլ է լինում»,- ասացին եպիսկոպոսները»:
Առավել մանրամասն՝ թերթի այսօրվա համարում: