Ոստիկաններն «ասֆալտին են պառկեցրել» առանց հաշվառման համարանիշերի «Ֆորդ Մուսթանգ»-ի վարորդին. (Տեսանյութ)
Առանց հաշվառման համարանիշերի «Ֆորդ Մուսթանգ» մակնիշի ավտոմեքենայի վարորդը չի ենթարկվել մեքենան կանգնեցնելու վերաբերյալ ոստիկանների պահանջներին, հայտնում են ոստիկանությունից։
Առանց հաշվառման համարանիշերի «Ֆորդ Մուսթանգ» մակնիշի ավտոմեքենայի վարորդը և ուղևորն են բերման են ենթարկվել։ Ոստիկանության ծառայողներն առանց համարանիշերի մեքենան նկատել են մայրաքաղաքի Վարդանանց-Ալավերդյան փողոցների խաչմերուկում։ Վարորդը չի ենթարկվել մեքենան կանգնեցնելու վերաբերյալ ոստիկանների պահանջներին։ Ոստիկանները հետապնդել են և Արամի փողոցում հիշյալ մեքենան հարկադրաբար կանգնեցրել։ Վարորդը և ուղևորը բերման են ենթարկվել ոստիկանություն, իսկ մեքենան տեղափոխվել է պահպանվող հատուկ տարածք։ Դեպքի վերաբերյալ նյութեր են նախապատրաստվում:
Ոստիկանության ֆեյսբուքյան էջում հրապարակված տեսանյութում երևում է՝ ինչպես են ոստիկանները «ասֆալտին պառկեցնում» վարորդին։
Irakanum.am-ը հրապարակել է ականատեսի տրամադրած ավելի երկար տեսանյութը, որում երևում է՝ որ ոստիկանների և վարորդի միջև տեղի է ունենում ծեծկռտուք։