Ըստ Կենդանակերպի նշանի՝ ուժեղ բնավորությամբ կանանց վարկանիշը

12.Այծեղջյուր

Նրանք միշտ ամեն ինչ վերահսկողության տակ են պահում եւ հաճախ շատ զուսպ են: Եթե նույնիսկ Այծեղջյուրների ներսում հույզերի փոթորիկ է, արտաքինից նրանք փորձում են ցույց չտալ: Այծեղջյուրը երազում է իսկական տղամարդու մասին եւ վախենում է սիրահարվել: Չափազանց զգուշավորությունը հաճախ հանգեցնում է սխալ տղամարդու ընտրության: Տղամարդը պետք է համբերությամբ զինվի եւ ջանա, որպեսզի հալեցնի զգուշավորության եւ զսպվածության սառցե պատը: Փոխարենը նա ստիպված չի լինի կասկածել նրա հավատարմության հարցում:

11.Ջրհոս

Նա կարող է հրաշալի ընկեր լինել տղամարդկանց համար, քանի որ հենց սկզբից հազվադեպ է նրանց մեջ պոտենցիալ ընտրյալի տեսնում: Այս կանայք շատ էմոցիոնալ եւ գրգռվող են, բայց արագորեն հանգստանում են: Նրանք վախենում են ծանր կրքերից, այդ պատճառով, եթե տղամարդը սկսում է խանդի տեսարաններ սարքել, ապա, հավանաբար, միայն մեկ արդյունքի կհասնի. նա կվախենա եւ կհեռանա:

10.Ձկներ

Ձկները չափազանց զգայուն եւ խոցելի են: Նման կանայք կարող են բազմաթիվ խնդիրներ հորինել իրենց համար, այդ պատճառով իրենց տղամարդուց իրենց հանդեպ զգացմունքների մշտական հավաստում կարող են պահանջել: Եթե դա չստանան, կասկածներով եւ ապրումներով կտանջեն ե՛ւ իրենց, ե՛ւ զուգընկերոջը:

9.Խոյ

Նա համառ է, եսասեր եւ անկախ: Խոյ կանայք սիրում են ղեկավարել տղամարդուն եւ տեսնել, թե ինչպես են իրենց աստվածացնում: Նրա կողքին գտնվելու իրավունքին արժանանալու համար տղամարդը ստիպված է կատարել նրա բազմաթիվ քմահաճույքները: Եվ նրա հետ վիճելն անօգուտ է, միեւնույն է՝ նա կհասնի իր ուզածին: Բայց նույնիսկ կատարելով նրա բոլոր ցանկությունները, չես կարող նրա հավատարմությունն ակնկալել, քանի որ միշտ կարող է նոր տղամարդ հայտնվել, որը պատրաստ կլինի կատարել քմայած տիկնոջ բոլոր ցանկությունները:

8.Ցուլ

Ցուլի հետ տղամարդը պետք է դժվարին կյանքի պատրաստ լինի՝ լի դրամատիկ տեսարաններով, ճիչերով եւ սպասք կոտրելով: Նրան հաղթելու կամ ներողություն ստանալու հույս մի ունեցեք: Ամենաճիշտ մոտեցումը հաշտվելն է, խոստովանել, որ նա ճիշտ է, եւ սպասել, մինչեւ կրքերի հրաբուխը կհանդարտվի:

7.Երկվորյակներ

Նա հակված է անկայունության, կարող է հաճախ փոխել զուգընկերներին: Երկվորյակներն առանց խղճի խայթի կարող են սեթեւեթել սիրելիի ընկերների հետ, սիրում են ազատություն: Տղամարդը կարող է նրան իր կողքին պահել, բայց միայն ընդունելով նրա խաղի կանոնները: Բացի այդ՝ նա ավելի շուտ կընտրի հաջող աշխատանքը, քան տնային տնտեսուհու կարիերան:

6.Խեցգետին

Նա չափազանց լալկան եւ նեղացկոտ է: Խեցգետինները նվիրված են, ամեն ինչի պատրաստ են հանուն սիրելիի, բայց եթե նույնը չեն ստանում, կարող են ինքնամփոփ դառնալ եւ դեպրեսիայի մեջ ընկնել: Ընդ որում՝ գոչյուններով եւ բուռն բացատրություններով ոչնչի չես հասնի, այստեղ միայն ծով քնքշությունը կաշխատի: Դա ստանալով՝ Խեցգետինը նուրբ ու քնքուշ կդառնա:

5.Առյուծ

Նա իշխող եւ պահանջկոտ է իր ընտրյալի հանդեպ: Առյուծն իրեն լավագույնն է համարում, այդ պատճառով նրա կողքին կարող է լինել մեկը, ով արժանի է նրան եւ բոլոր անհրաժեշտ հատկություններն ունի: Տղամարդու համար դժվար կլինի նվաճել նման կնոջը: Դա հնարավոր է անել միայն որեւէ թանկարժեք նվեր մատուցելով եւ նրան համոզելով, որ նրան աստվածուհի եք համարում: Միաժամանակ, տղամարդը նրա աչքում պետք է առնական մնա:

4.Կույս

Նա նույնպես, ինչպես Առյուծը, հակված է ընտրյալին պահանջների մի ամբողջ ցանկ ներկայացնել, սակայն դա նրան չի խանգարի շփվել որեւէ անհաջողակի հետ, եթե Կույսը նրա մեջ որեւէ հետաքրքիր բան տեսնի: Կույսը հաճախ թեթեւամիտ է, սիրում է վիճաբանել, ամեն ինչին հակադրվել եւ բոլորին քննադատել:

3.Կշեռք

Նա միշտ վստահ է իր անկրկնելիության հարցում, սիրում է տղամարդու եւ աղմկոտ խմբի ուշադրության կենտրոնում լինել: Նրան ոչ միայն տղամարդիկ են հուզում, այլեւ նրանց հիացմունքը: Նրա ամբողջ կյանքը խաղ է, որը պետք է գնահատեն երկրպագուները: Կշեռք կանայք սիրում են շքեղություն, ատում են առօրյա տհաճ պարտավորությունները:

2.Կարիճ

Կարիճ կնոջ հետ ապրելը նման է պատերազմի. կա՛մ հաղթանակ, կա՛մ տանջալից պայքար եւ պարտություն: Ընդ որում՝ նրա հետ կարող է լինել միաժամանակ ե՛ւ լավ, ե՛ւ վատ: Կարիճ կնոջը պետք է շատ ուժեղ նյարդերով եւ հրեշտակային համբերությամբ տղամարդ: Նա կարող է երկար ժամանակ քնքուշ ձեւանալ, բայց շուտով նրա իրական էությունը, ամեն դեպքում, կարտահայտվի: Բացի այդ՝ Կարիճ կանայք սարսափելի խանդոտ են:

1.Աղեղնավոր

Նա տղամարդու բնավորություն ունի: Աղեղնավոր կանայք հազվադեպ են քնքշություն եւ հնազանդություն ցուցաբերում, փոխարենը սիրում են լինել տղամարդկանց աղմկոտ շրջապատում: Աղեղնավոր կինը սիրում է տղամարդկանց ուշադրության կենտրոնում լինել, պատրաստ է նույնիսկ սիրելիի աչքի առջեւ սեթեւեթել նրանց հետ: Ընդ որում, տղամարդը ստիպված կլինի հաշտվել դրա հետ, քանի որ Աղեղնավորը տանել չի կարողանում խանդի տեսարաններ: Տղամարդը ստիպված կլինի մշտապես հետաքրքրել նրան, հակառակ դեպքում Աղեղնավորն ավելի հետաքրքիր տարբերակ կգտնի:

Աղբյուրը՝ ICTV