Ոստիկանները գողացված մեքենայի դիմապակուն գրություն են թողել կողոպտիչների համար
Ոստիկանները գողացված մեքենայի դիմապակուն գրություն են թողել կողոպտիչների համար՝ խնդրելով կապվել ոստիկանության հետ «գողացված մեքենայի եւ դրանում թողած կանեփի» առնչությամբ, տեղեկացնում է PA-ն։
Ուեսթ Միդլենդսի ոստիկանությունը տեղեկացրել է, որ մաչետեներով կողոպտիչները մխրճվել են մեքենայով Թիվիդեյլի օֆիս։ Ոստիկանները, որոնք հայտնաբերել են գողացված մեքենան, դիմապակուն գրել են. «Խնդրում ենք, կապվեք Ուեսթ Միդլենդսի ոստիկանության հետ, որպեսզի ճշտենք կանեփի, ավտոտնակից գողացված մեքենայի հաշվով»։
Ավելի ուշ ոստիկանները գրել են եւս մեկ գրություն. «Մենք ցանկանում ենք խոսել։ Դուք այսօր մխրճվել եք Թիվիդեյլի ստորաբաժանման գրասենյակ՝ թափահարելով մաչետեները։ Դուք թողել եք ձեր գողացած մեքենան եւ լիքը մարիխուանա... Եկեք եւ խոսեք մեզ հետ, մենք բարի կլինենք... ազնիվ խոսք»: