Մկների վրա՝ 2-րդ տեսակի դիաբետի փորձնական դեղամիջոցի արդյունավետությունն ապացուցվել է

2-րդ տեսակի դիաբետի դեմ փորձնական դեղամիջոցի արդյունավետությունն ապացուցվել է ճարպակալում ունեցող մկների վրա փորձարկումների ընթացքում։ Ինչպես պարզել են Monash University-ի (Ավստրալիա) գիտնականները, դեղամիջոցն իջեցրել է գլյուկոզայի մակարդակն արյան մեջ եւ նպաստել նիհարելուն։

Գիտնականները մկներին ներարկել են դեղամիջոցն ամեն օր մեկ շաբաթվա ընթացքում։ Այն պարունակել է հետազոտողների կողմից ստեղծված սպիտակուց՝ IC7Fc անվանմամբ, որն ուղղվում է այն ռեցեպտորին, որն առկա է մարդու օրգանիզմի շատ բջիջներում։ Հայտնի է, որ այդ ռեցեպտորն ազդում է նյութափոխանակության վրա։

Շաբաթվա վերջին մկները նիհարել են, ավելին՝ ընդհանուր առմամբ նրանք օգտագործել են ավելի քիչ սնունդ, իսկ շաքարի մակարդակն արյան մեջ նվազել է։ Քաշի կորուստը պայմանավորված է եղել օրգանիզմում ճարպի քանակի կրճատմամբ, միեւնույն ժամանակ, մկների զանգվածը չի փոքրացել, ինչը հատկապես կարեւոր է։

Այս հետազոտության հեղինակներն ընդգծում են, որ 2-րդ տեսակի դիաբետի դեմ ներկայում գոյություն ունեցող դեղամիջոցներից ոչ մեկը նման արդյունք չի տալիս։ Այս պահին ֆինանսական միջոցներ են հավաքվում դիաբետ ունեցող մարդկանց մասնակցությամբ հետազոտության անցկացման համար։