Մեսին լավագույն ֆուտբոլիստն է, որի դեմ խաղացել եմ. Ռոնալդու
Իտալիայի չեմպիոն Թուրինի «Յուվենտուսի» պորտուգալացի հարձակվող Կրիշտիանու Ռոնալդուն խոսել է կատալոնական «Բարսելոնայի» առաջատար Լիոնել Մեսիի մասին:
«Երբ ՈւԵՖԱ-ի կազմակերպած միջոցառման ժամանակ ես շփվում էի Մեսիի հետ, մարդիկ զարմացած մեզ էին նայում: Իհարկե, ես չեմ կարող ասել, որ մենք ընկերներ ենք, սակայն մենք ճանաչում ենք իրար ավելի քան 15 տարի, և այդ տարիների ընթացքում մենք օգնել ենք միմյանց կատարելագործվել:
Մեսին լավագույն ֆուտբոլիստն է, որի դեմ ես խաղացել եմ»,- Ռոնալդուի խոսքը փոխանցում է The Sun-ը:
Ավելի վաղ պորտուգալացի հարձակվողը հայտարարել էր, որ արժանի է «Բարսելոնայի» արգենտինացի հարձակվող Լիոնել Մեսիից շատ «Ոսկե գնդակ» ունենալ։ Նրանք 5-ական անգամ են արժանացել այդ մրցանակին։