Մայրը ճարպակալմամբ երեխային կերակրել է մահվան հասցնելով
Անգլիական Մանչեսթեր քաղաքում մայրը ճարպակալմամբ երեխային շարունակել է կերակրել՝ մահվան հասցնելով: Արդյունքում երեխան մահացել է ավելորդ քաշի խնդիրների պատճառով, իսկ նրա մահվան փաստով քննություն է կատարվում:
The Sun տաբլոիդը հայտնում է, որ 13-ամյա տղան որի անունը չի հրապարակվում, վաղ մանկական տարիներից տառապել է ավելորդ քաշի խնդիրներով: Արդեն 3 տարեկանում նա կշռում էր 30 կիլոգրամից ավելի: Դատաքննության համաձայն՝ դեռեւս մինչեւ ճաշը դեռահասը գործածում էր 2 հազար կալորիայից ավելի:
Դպրոցի բժիշկները մտահոգվել են նրա առողջությամբ եւ խորհուրդ են տվել ոտքով ավելի շատ քայլել: Նրանք տղային խորհուրդ են տվել ոտքով գալ դպրոց եւ մորն անգամ հուշել են ճանապարհը, որով աշակերտը կարող էր ընկերների հետ դպրոց հասնել՝ խուսափելով կռվարար հասակակիցներից:
Մայրը, սակայն, այս խորհուրդներին ականջալուր չի եղել, ավելին՝ վրդովվել է, որ դպրոցը միջամտել է իր երեխայի դաստիարակությանը: Նա շարունակել է որդուն դպրոց բերել մեքենայով:
Ֆիզկուլտուրայի ուսուցչի հանձնարարությամբ տղան հետեւում էր հատուկ սննդակարգի, զբաղվում սպորտով եւ հաճախում ինքնավստահության բարձրացման դասընթացների: Ընդ որում՝ այս ամենը մորից գաղտնի էին պահում:
2014 թվականի դեկտեմբերին երեխան հայտնվել է հիվանդանոցում գլխի մաշկի խնդիրներով եւ գանգատվել է հոդացավերից: Հաջորդ ընդունելությանը նա չի եկել:
Ճարպակալման հետեւանքով տղայի մոտ զարգացել էր կարդիոմիոպաթիա՝ սրտի հիվանդություն, որը բերում է դրա ֆունկցիաների թուլացման: Իսկ քանի որ տղան չափից ավելի շատ ավելորդ քաշ ուներ, նրան դոնորական սրտի փոխպատվաստումը հակացուցված էր:
Ըստ գործի նյութերի՝ տղայի մահվանից մի քանի շաբաթ առաջ մայրը շարունակում էր նրան կերակրել՝ հասցնելով մահվան:
Փորձագետները պնդում են, որ երեխան մահացել է «չհամաձայնեցված բուժման» պատճառով: Բժիշկները փորձել են օգնել պացիենտին՝ չփոխանակելով ստացած տեղեկությունները: Երեխայի առողջության ընդհանուր հետազոտություն այդպես էլ չի կատարվել: