Թուրքիան խնդրել է ԱՄՆ-ին չեղարկել առևտրային արգելապատնեշը երկու երկրների միջև երկկողմանի առևտրի ծավալների կտրուկ աճին ուղղված բանակցությունների ժամանակ

Թուրքիան խնդրել է ԱՄՆ-ին չեղարկել առևտրային արգելապատնեշը երկու երկրների միջև երկկողմանի առևտրի ծավալների կտրուկ աճին ուղղված բանակցությունների ժամանակ, ասել է Թուրքիայի առևտրի նախարարը:

Reuters-ի հաղորդմամբ՝ Վաշինգտոնն ու Անկարան հավակնոտ նպատակ են սահմանել՝ չորս անգամ մեծացնել առևտրի ծավալները տարեկան մինչև 100 մլրդ դոլարի չափով՝ չնայած ԱՄՆ-ի կողմից պատժամիջոցների հեռանկարին Թուրքիայի կողմից վերջերս ռուսական Ս-400 համակարգերը ձեռքբերելու առնչությամբ:

Առևտրի նախարար Ռուխսար Փեքանի խոսքով՝ նա հայտնել է ԱՄՆ-ի նախարար Ուիլբուր Ռոսին որոշակի արգելքները հեռացնելու հստակ ակնկալիքի մասին և ԱՄՆ-ի վարչակազմի քաղաքականության մասին, որը խոչընդոտում է երկկողմանի առևտրի հեռանկարներին:

Մայիսին Սպիտակ տունը հայտարարել էր, որ դադարեցնում է Թուրքիայի հետ արտոնյալ առևտրային համաձայնագրի գործողությունը՝ նշելով, որ Թուրքիայի տնտեսական զարգացման մակարդակը նշանակում է, որ այն այլևս իրավունք չունի աջակցություն ստանալ:

Թուրքիան կարող է նաև բախվել ՆԱՏՕ-ում իր դաշնակցի սահմանած պատժամիջոցների հետ հուլիսին Ս-400-ի մատակարարման կապակցությամբ:

Փեքանն ասել է, որ նա քննարկել է Թուրքիայի արտահանման ծավալների մեծացումը քաղաքացիական ավիացիայի, մեքենաշինության, ոսկերչության, կահույքագործության, տեքստիլի և հագուստի արտադրության ոլորտներում:

ԱՄՆ-ի դեսպանատունը հայտարարել է, որ Ռոսն ու փեքանը համաձայնության են եկել, որ մինչև 10 մլրդ դոլարի չափով առևտրի ծավալն ավելացնելու համար անհրաժեշտ կլինի երկու կողմերի լարված աշխատանքը: Միացյալ Նահանգները հայտարարել են, որ 2017 թվականին Թուրքիայի հետ ապրանքաշրջանառությունը կազմել է 24 մլրդ դոլար: