на Русском
Ինչ է լինելու Տավուշի հատվածում սահմանային փո... 
Արգելափակված են Շիրակի և Արտաշիսյան փողոցները 
5 տարածված սովորություն, որոնց պատճառով դուք աննկատ գիրանում եք
Մեզնից յուրաքանչյուրն ունի սովորություններ, որոնք մենք չենք նկատում եւ որոնք դանդաղ, սակայն հաստատուն կերպով վնասում են մեր կազմվածքը եւ հանգեցնում քաշի ավելացման: Ձեր ուշադրությանն ենք ներկայացնում այդպիսի մի քանի սովորություններ, որոնցից, բնականաբար, պետք է ազատվել, եթե դուք չեք ցանկանում գիրանալ:
Նախաճաշին մեծ քանակությամբ քաղցրավենիք
Համարվում է, որ քաղցրավենիքը կարելի է եւ պետք է օգտագործել օրվա առաջին կեսին, սակայն դա պարզապես վտանգավոր միֆ է: Իրականում ցանկացած տեսակի քաղցրավենիքը բարձրացնում է արյան մեջ գլյուկոզայի մակարդակը, ինչը հանգեցնում է ինսուլինի բարձրացված չափաքանակին: Նախ, քաղցր նախաճաշից հետո դուք կզգաք քաղց շատ կարճ ժամանակ անց, դեռ ավելին, գլյուկոզայի եւ ինսուլինի այդպիսի տատանումները ժամանակի ընթացքում կարող են խնդիրներ առաջացնել:
Քնի պակաս
Եթե դուք պարբերաբար քիչ եք քնում, ապա ավելի շատ եք զգում քաղց օրվա ընթացքում՝ հաճախ անգամ չնկատելով դա: Մի շարք հետազոտություններ արդեն վաղուց ապացուցել են կապը քնի պակասի եւ ավելորդ քաշ հավաքելու միջեւ: Այդ իսկ պատճառով, եթե ցանկանում եք նիհարել կամ պահպանել առկա քաշը, անհրաժեշտ է պարբերաբար բավարար չափով քնել:
Սթրեսային իրավիճակներ
Սթրեսի ժամանակ բարձրանում է կորտիզոլ հորմոնի, ինչպես նաեւ բետատրոֆին սպիտակուցի մակարդակը, որը ճնշում է օրգանիզմում ճարպերի պառակտման գործընթացը: Հետազոտությունները ցույց են տվել, որ օրգանիզմում կորտիզոլի բարձր մակարդակի դեպքում որովայնի շրջանում ճարպ է կուտակվում անգամ այն մարդկանց մոտ, որոնք երբեւէ ավելորդ քաշի խնդիր չեն ունեցել:
Ոգելից խմիչքներ
Գոյություն ունի կարծիք, որ ակլոհոլի չափավոր օգտագործումն օգտակար է օրգանիզմի համար: Կան նաեւ այլ հետազոտություններ, համաձայն որոնց՝ ալկոհոլի ցանկացած քանակությունն իրականում վնասակար է: Կա հայտնի փաստ. ոգելից խմիչքները պարունակում են մեծաքանակ կալորիաներ, եւ դրանց հաճախակի օգտագործման դեպքում դուք կսկսեք գիրանալ:
Փոքրաքանակ սնունդ օրվա ընթացքում
Եթե դուք օգտագործում եք ավելի պակաս, քան անհրաժեշտ է օրգանիզմին, այն սկսում է կուտակել էներգիան եւ դանդաղեցնում է նյութափոխանակությունը: Արդյունքում դուք ոչ միայն չեք նիհարում, այլեւ կարող եք գիրանալ: Այդ իսկ պատճառով ավելի ճիշտ է չսահմանափակել կալորիաները. ավելի լավ է սնվել հաճախ եւ փոքր չափաբաժիններով:
