Ամանորյա հետաքրքիր դեպքեր՝ հայտնի հայ մարդկանց մասին

Operativ.am-ը օրեր շարունակ անդրադարձավ քաղաքական, մշակութային, սպորտային և այլ բնագավառների սիրված և հայտնի դեմքերին, փորձելով ճշտել, թե ինչ խորհուրդ ունի Ամանորը վերջիններիս համար, ինչպես են պատրաստվում դիմավորել գալիք Ամանորը և այդ օրերին նրանց հետ պատահած ամենահետաքրքիր պատմությունները ճշտեց:

Ստորև ներկայացնում ենք այդ հարցազրույցներից ամենահետաքրքիր դրվագները.

Ամանորյա գիշերը ամենայուրահատուկ ձևով դիմավորել է Vitamin ակումբի հումորիստ Արամ MP3-ն
-Տարիներ առաջ, երբ դեռ ուսանող էի, աշխատում էի դեղատանը. գիշերային հերթապահ էի: Ժամը տասնմեկին փակեցի դեղատունը և դուրս եկա, սակայն մոռացել էի, որ այդ ժամին փողոցում որևէ երթուղային մեքենա չի լինում, ստիպված նստեցի մետրո: Մետրոյից դուրս գալով, փողոցում ձյան մեջ դիմավորել եմ Նոր տարին մենակով, իսկ ավելի ճիշտ մի շարք անծանոթ մարդկանց հետ: Ճիշտն ասած, ես զարմացա, թե ինչու են այդ մարդիկ դրսում, հետո հասկացա, որ այդ մարդիկ տուն չունեն: Խմելու բան էլ չկար, պարզապես ասեցի շնորհավոր և ի վերջո տուն գնացի:

Ամանորի ամենամեծ նվերը ամեն տարի ստանում է ՀՅԴ խմբակցության անդամ, ԱԺ պատգամավոր Արծվիկ Մինասյանը.
-Այնպես է ստացվել, որ իմ ծննդյան օրը համընկնում է Ամանորի հետ. հունվարի մեկին է, երևի թե ամենամեծ նվերը այն շնորհավորանքներն են, որ հղվում են իմ հասցեին:

Երբ Ձմեռ պապիկին փոխարինեց աշխարհի չեմպիոն Արթուր Աբրահամը.
-Ձմեռ պապը եկել էր մեր տուն, նվերներ պետք է բաժաներ, բայց խմեց, հարբեց և մոռացավ իր անելիքը: Ես էլ վերցրեցի պարկը և սկսեցի բաժանել նվերները:

Ամենասպասված և միևնույն ժամանակ անսպասելի Ձմեռ պապիկը եղել է «Հրաչյա Ղափլանյան»-ի անվան դրամատիկական թատրոնի դերասանուհի Լուիզա Ղամբարյանենց տանը.
-Ես ընտանիքում ամենափոքրն էի. եղբորս և քրոջս կրտսերն էի, հայրս ժողինստիտուտի դասախոս էր և գործուղման էր մեկնել Մոսկվա: Մենք այդ տարի Ամանորին տխուր էինք, որովհետև պապան մեզ հետ չէր: Մայրիկս իր ամբողջ առույգությամբ պատրաստում էր տոնական սեղանը, ես և եղբայրս էլ ամեն կերպ փորձում էինք խանգարել: 12:05 րոպե դռան զանգը հնչեց, ու պապաս տուն մտավ, ինքը ժամեր առաջ էր վերադարձել երկիր, սակայն միտումնավոր էր ուշ տուն եկել մեզ անակնկալ մատուցելով և տուն գալով որպես Ձմեռ պապիկ:

Ամանորյա ամենաբարի ցանկությունը ֆոտոլրագրող Գագիկ Շամշյանինն է.
-Ցանկանում եմ, որ Ձմեռ պապիկը իր կախարդական փայտիկով խփի ու միանգամից ամբողջ աշխարհում վերանան հաշմանդամ երեխաները, մուրացկանությունը, անարդարությունը, իսկ Աստծուց կխնդրեմ մեր բոլորի մեղքերին թողություն:
Եվ քանի որ դուք նորաբաց կայք եք, ցանկանում եմ, որ Ձեր անվանը՝ Operativ.am-ին համահունչ լինեք, քանի որ մեր դաշտը օպերատիվ տեղեկատվության կարիք ունի, ցանկանում եմ, որ գալիք տարի ինձնից օպերատիվ լինեք:

Ամենազավեշտալի դեպքը եղել է ՀՀԿ պատգամավոր Էդուարդ Շարմազանովի հետ.
Եղել է զավեշտալի դեպք, եբ Ձմեռ պապիկն այնքան վախենալու է եղել, որ երեխաներս ուրախանալու փոխարեն վախեցել են:

Ամանորյա նախընտրած ուտեստներից ամենայուրօրինակը Եվրոպայի չեմպիոն Առաքել Միրզոյանի տարբերակն էր.
-Լոլիկով ձվածեղ:
Ամենաքաղաքական երազանքը ժառանգություն խմբակցության պատագամավոր Զարուհի Փոստանջյանինն է.

-Ընդհանուր Փոփոխություններ եմ պահանջում. ներքաղաքական և հասարակական կանքում արմատական փոփոխություններ. այն բուրգը, որ ստեղծվել է, այդ բուրգի փլուզումն եմ ցանկանում տեսնել:

Ձմեռ պապիկի ֆինանսական վիճակի մասին անհանգստանում է երգչուհի Սիլվա Հակոբյանը.
-Եթե ասեմ, թե ինչ եմ ուզում Ձմեռ պապիկս ծախսի տակ կընկնի, ավելի լավ է չբարձրաձայնեմ:

Ամենաանսպասելի կերպով Ամանորը դիմավորել է երգչուհի Աննա Խաչատրյանը.
-Հիշում եմ մի քանի տարի առաջ Ամանորի գիշերը մայրուղով լուռ ընթանում էի տաքսիով, որի մեջ գտնվում էինք ես ու վարորդը և երբ արդեն 12-ն անց էր, վարորդը շրջվեց և ինձ ասաց' Աննա ջան շնորհավոր: Հավատացեք սա առաջին դեպքն էր, որ այս աստիճան օտար մթնոլորտում էի անցկացնում Նոր տարին. գտնվում էի օտար մեքենայում, տաքսու վարորդի հետ:

Ամեանավանդական ձևով Ամանորը նշում է ԲՀԿ խմբակցության քարտուղար, ԱԺ պատգամավոր Նաիրա Զոհրաբյանը.
-Ամանորը ինչպես միշտ դիմավորելու եմ տանը, ընտանիքիս հետ, ես միշտ տանն եմ նշում, երբևէ տնից դուրս չեմ նշել և ընդհանրապես չեմ հասկանում՝ ինչպես կարելի է այս գեղեցիկ տոնը նշել որևէ ռեստորանում, հանգստյան տանը կամ որևէ այլ երկրում, ինձ համար Ամանորը ընտանեկան տոն է և այն պետք է տանը դիմավորել:

Ամենահամարձակ ցանկություն և Եվրոպայի չեմպիոն Արսեն Ջուլֆալակյան.
-Ամեն ինչ կանեմ , որ գալիք տարի իրականացնեմ իմ՝ աշխարհի չեմպիոն դառնալու երազանքը:

Ձմեռ պապիկից հարսնացու խնդրող հեռուստահորդավար Ավետ Բարսեղյան.
-Ուզում եմ գալիք տարվա մեջ ինձ համար անձնական հաջողություններ լինեն, մասնավորապես հարսացու գտնեմ, ուզում եմ, որ սկսվի իմ ամենասիրելի և հայկական հեռուստատեսության մեջ շատ պիտանի «Ո՞վ է ուզում դառնալ միլիոնատեր» հաղորդումը, իսկ որպես հայ՝ ուզում եմ խաղախ երկրում ապրել:

Ամանորի գիշերը ամենախորհրդավոր զանգին սպասում է երգչուհի Սոֆի Մխեյանը.
Այն հարցին, թե ընտանիքի անդամներից բացի կա՞ ինչ որ մեկը, ում շնորհավորական զանգին երգչուհին սպասում է, Սոֆին դրական պատասխանեց, սակայն չցանկացավ բարձրաձայնել վերջինիս ով լինելը:

Հեղինակ՝ Սեդա Ղուկասյան