Արմինկան ակնկալում է, որ Ձմեռ պապիկը չմոռանա ոչ մի երեխայի, այդ թվում և իրեն

Operativ.am-ի հետ զրույցում երգչուհի Արմինկան (Արմինե Նահապետյան)պատմեց, թե ինչու է նախապատվություն տվել Ամանորը արտերկրում դիմավորելուն:

Ինչպե՞ս և որտե՞ղ եք անցկացնելու գալիք Ամանորը:

- Ամանորը պատրաստվում եմ դիմավորել Դուբայում՝ Բուրջ Խալիֆայի շքեղ հրավառության ներքո, քանի որ հյուրանոցի համարիս պատշգամբն անմիջապես բացվում է այդ հրաշք աշտարակի տեսարանի առջև, իսկ հետո կշարունակենք մեր ամանորյա խնջույքը ռեստորանում:

Հավատու՞մ եք Ձմեռ պապիկի գոյությանը:

-Տղայիս հետ և տղայիս համար հավատում եմ:

Ի՞նչ ակնկալիքներ ունեք նրանից:

-Ակնկալիքս այն է , որ Ձմեռ պապիկը չմոռանա աշխարհում ոչ մի երեխայի, այդ թվում նաև ինձ:

Կա՞ մեկը, ում զանգին առավելապես սպասելու եք Ամանորի գիշերը:

-Քրոջս զանգին եմ սպասելու, քանի որ նա Երևանում է:

Ձեր ամենասիրելի ամանորյա ուտեստը:

-Ես գուրման եմ, ուստի դժվարանում եմ պատասխանել, բայց հաստատ բուդը չէ:

Ամենայուրօրինակ նվերը, որ երբևէ ստացել եք Ամանորին. ի՞նչ է եղել դա և ու՞մ կողմից:

-Իմ մանկության տարիների շքեղ նվերները. շորիկներ, խաղալիքներ ու եվրոպական շոկոլադ, այն ժամանակների համար դա մեծ շքեղություն էր:

Կհիշե՞ք Ամանորի հետ կապված որևէ զավեշտալի դեպք, որ եղել է Ձեզ հետ:

-1993 թվականի Ամանորի գիշերը եղբորս մեքենայով օպերա գնալիս(ուշանում էի համերգից), մեքենայի բենզինը վերջացավ: Անհույս վիճակից մեզ փրկեց եղբորս ընկերը, ով պատահաբար անցնում էր նույն ճանապարհով:

Հեղինակ՝ Սեդա Ղուկասյան