Մահացել է դերասանուհի և երգչուհի Ջեյն Բիրկինը

Կյանքի 77-րդ տարում մահացել է Ջեյն Բիրկինը: Այս մասին հայտնում է Լե Փարիզիեն-ը:

Պարբերականի տեղեկություններով ՝ երգչուհուն մահացած են հայտնաբերել Փարիզի իր տանը։

Մայիսի վերջին նա առողջական պատճառներով չեղյալ հայտարարեց իր բոլոր համերգները։

«Ես միշտ մեծ լավատես եմ եղել և հասկանում եմ, որ ինձ մի քիչ էլ ժամանակ է պետք, որպեսզի կարողանամ նորից բեմ բարձրանալ և ձեզ հետ լինել», - ասում էր այն ժամանակ Բիրկինը:

Երգչուհու մահվան մասին, հղում անելով սեփական աղբյուրներին, հայտնում է նաև BFM TV-ն:

2021 թվականի սեպտեմբերին Բիրկինը ինսուլտ Է տարել, որից հետո չեղարկվել է նրա համերգների շարքը։

Անգլո-ֆրանսիական աստղն իր կարիերան որպես դերասանուհի սկսել է Լոնդոնում 60-ականներին, մասնավորապես՝ նկարահանվելով Միքելանջելո Անտոնիոնիի «Ֆոտոմեծացում» ֆիլմում։

Բիրկինին հատուկ համբավ են բերել սկանդալային ֆրանսիացի երգիչ և երգահան Սերժ Գենսբուրի հետ հարաբերությունները, որոնցից ծնվել է նրանց դուստրը՝ Շառլոտա Գենսբուրը, որը նաև հայտնի երգչուհի և դերասանուհի է:

Զույգը ծանոթացել է 1969 թվականի «կարգախոս» ռոմանտիկ կատակերգության նկարահանումների ժամանակ, որից անմիջապես հետո նրանք բուռն սիրավեպ են սկսել։

Նրա գագաթնակետը նույն տարվա «Դժեյն Բիրկին/Սերժ Գենսբուր» ալբոմն էր՝ սկանդալային «Je t' aime moi non plus» երգով, որտեղ Բիրկինը ընդօրինակում է հնչյունները, ինչպես սեքսով զբաղվելիս:

1976 թվականին Բիրկինը նկարահանվել է Գենսբուրի համանուն անկեղծ ֆիլմում ՝ «Je t'aime moi non plus»։

Հագուստի իր հանգիստ ոճի շնորհիվ Բիրկինը համարվում էր նաև նորաձևության պատկերակ, և Hermes-ն օգտագործում էր նրա անունը՝ ստեղծելու լեգենդար Hermes Birkin պայուսակը, որի տատանումները աշխարհի ամենաթանկ պայուսակներից են: