Քրեական շրջապատի առաջնորդ Ահմեդ Սուտուլիի նկատմամբ Ռուսաստանում քրեական գործ են հարուցել
Մերձմոսկվայում ՆԳՆ քննիչները քրեական գործ են հարուցել քրեական շրջապատի առաջնորդ Ահմեդ Սուտուլիի նկատմամբ՝ հանցավոր հիերարխիայում բարձր դիրք զբաղեցնելու մասին ՌԴ ՔՕ հոդվածով, հաղորդում է ՏԱՍՍ-ը:
«ՌԴ ՆԳՆ ԳՎ Մոսկվայի քննչական վարչությունը քրեական գործ է հարուցել Հյուսիս-կովկասյան դաշնային շրջանի 46-ամյա բնակիչի նկատմամբ ՌԴ ՔՕ 210.1 հոդվածով (հանցավոր հիերարխիայում բարձր դիրք զբաղեցնելու մասին) նախատեսված հանցանքի հատկանիշներով»,- ասվում է հաղորդագրության մեջ:
Ահմեդ Սուտուլին ձերբակալվել է 2018թ. Կրասնոգորսկում թմրանյութի պահպանման համար, նրա դեմ քրեական գործ է հարուցվել եւ որպես խափանման միջոց ընտրվել է կալանքը:
«Օպերատիվ-հետախուզական միջոցառումների եւ քննչական գործողությունների ընթացքում պարզվել է, որ 1996 թվականից ձերբակալված «օրենքով գողը»՝ Ահմեդ Սուտուլի մականունով, բարձր դիրք է զբաղեցրել հանցավոր հիերարխիայում: Նա բնակվել է Մոսկվայի տարածքում, համակարգել Խիմկիի, Լյուբերցի, Կրասնոգորսկի, Մերձմոսկվայի, Մոսկվայի, ինչպես նաեւ Շերեմետեւոյի օդանավակայանի տարածքներում կազմակերպված խմբերի գործողությունները: Նա կապեր է պաշտպանել անձանց հետ, որոնք բարձր դիրք են զբաղեցրել հանցավոր հիերարխիայում, անմիջական մասնակցություն է ունեցել հանցավոր ազդեցության եւ հանցավոր եկամուտների ոլորտի բաշխմանը»,- նշվում է հաղորդագրության մեջ: