Ղրղզստանում սկսվել է Անվտանգության խորհրդի նիստը

Այսօր, օգոստոսի 8-ին, Ղրղզստանում սկսվել է Անվտանգության խորհրդի նիստը Չույսկու մարզի Կոյ-Տաշ գյուղում տեղի ունեցած անկարգությունների ֆոնին: Այս մասին հայտնել է Ղրղզստանի նախագահի մամուլի ծառայությունը:

«Այսօր՝ օգոստոսի 8-ին, Ղրղզստանի Հանրապետության նախագահ Սոորոնբայ Ժեենբեկովի նախագահությամբ ընթանում է Անվտանգության խորհրդի նիստը: Առանց մամուլի ներկայության ընթացող նիստի օրակարգում է 2019 թվականի օգոստոսի 7-ին ստեղծված իրավիճակի հետ կապված անվտանգության և իրավակարգի ապահովման մասին» հարցի քննարկումը:

Ավելի վաղ Operativ լրատվականը հաղորդել էր, որ երեկ Ղրղզստանի Ազգային անվտանգության պետական կոմիտեի հատուկ նշանակության ջոկատը Չույսկի մարզի Կոյ-Տաշ գյուղում ձեռնարկել է երկրի նախկին նախագահ Ալմազբեկ Ատամբաևին ուժով բռնելու փորձ, որը տապալվել է:

Operativ լրատվականը հաղորդել էր, որ Ղրղզստանի նախկին նախագահ Ատամբաևը երեկ ձերբակալվել է, հատուկջոկատայինները գրոհել են նրա տունը :

Սակայն ավելի ուշ Ղրղզստանի խորհրդարանի պատգամավորը հերքել է նախկին նախագահի ձերբակալության մասին տեղեկությունը:

Իրավիճակը երկրում շարունակում է մնալ անկայուն:

Operativ լրատվականը հաղորդել էր նաև, որ երեկ Ղրղզստանում Ատամբաևի տան մոտ հատուկ օպերացիայի ժամանակ հատուկջոկատային է զոհվել, 23 մարդ վիրավոր է :

Ղրղզստանի նախագահը ստիպված էր եղել դադարեցնել արձակուրդը և վերադառնալ :