«Վրաստանից գրեթե ոչ ոք չի այցելում Հայաստան, այնինչ այս ամառ երկաթուղիով Հայաստանից Վրաստան 13 տոկոսով ավելի շատ զբոսաշրջիկ է ուղևորվել». Գագիկ Մովսիսյան
Զբոսաշրջային շրջանի սկզբից՝ հունիսի 15-ից մինչև հուլիսի 18-ը Հայաստանից Վրաստան է մեկնել 11 հազար 611 մարդ: Այս մասին News.am-ի թղթակցին տված հարցազրույցում ասել է Հարավկովկասյան երկաթուղու ուղևորափոխադրումների տնօրինության պետ Գագիկ Մովսիսյանը:
Նրա խոսքով՝ անցյալ տարի նույն ժամանակահատվածում երկաթուղով Հայաստանից Վրաստան է մեկնել 10,278 մարդ: «Ստացվում է, որ այս տարի մենք գրանցել ենք 13 տոկոս», - նշել է Մովսիսյանը:
Միևնույն ժամանակ, Գագիկ Մովսիսյանը խոստովանել է, որ սկզբնական շրջանում Վրաստանում հայտնի իրադարձություններից հետո բազմաթիվ ռուսաստանցի զբոսաշրջիկներ և հայկական ծագումով ՌԴ քաղաքացիներ զանգվածաբար սկսել էին վերադարձնել ավելի վաղ գնված տոմսերը:
Պատասխանելով հարցին, թե արդյոք վրացի զբոսաշրջիկները հետաքրքված են Հայաստանով, և արդյոք այդ երկրից շատ քաղաքացիներ գալիս են ամառային արձակուրդների ժամանակ, ուղևորափոխադրումների տնօրինության պետն ասել է, որ դա հիմնականում աշխատանքային այցերի մասին է, և նրանց թիվը չափազանց փոքր է: «Վրաստանից գրեթե ոչ ոք չի այցելում Հայաստան:
«Վրացիները, որպես զբոսաշրջիկներ, եթե նրանց համեմատենք հայ և ռուս զբոսաշրջիկների հետ գրեթե չեն տեղաշարժվում: Նրանք այդ իմաստով շատ պասիվ են, իսկ հայերն ու ռուսները սիրում են ճանապարհորդել, հատկապես ամռան ամիսներին », - ասաց նա:
Ըստ բանախոսի՝ այս տարի արձանագրվել է օտարերկացիների կողմից Հայաստան այցելության որոշակի նվազում, մասնավորապես ռուսների կողմից, ինչն, ըստ նրա, մասամբ պայմանավորևված է Սևանա լճի շուրջ աղմուկով. «Ռուսները, ընդհանուր առմամբ, շատ են սիրում մեր Սևանը, սակայն, տեղեկատվությունը, և լճի ծաղկման շուրջ ամբողջ աղմուկը, ինչպես նաև իբրև թե հանգստացողների առողջության համար վնասների մասին հիստերիան մեծապես ազդեցին հանգստի վայրի իրենց ընտրության և որոշման վրա,», - ասել է նա: