ԱՄՆ-ն Սաուդյան Արաբիա 500 զինվորականներ է ուղարկում
Թրամփի վարչակազմը Իրանի հետ աճող լարվածության ֆոնին մտադիր է զինվորականեր ուղարկել Սաուդյան Արաբիա:
CNN-ը, վկայակոչելով ՊՆ երկու ներկայացուցիչներին, հաղորդում է, որ ակնկալվում է, որ 500 ամերիկացի զինվորականներ կուղարկվեն Սուլթան արքայազնի ավիաբազա, որը գտնվում է անապատային տեղանքում՝ Էր Ռիադից արեւելք:
Պաշտոնական անձանց խոսքով՝ փոքրաթիվ զինվորականները եւ օժանդակ անձնակազմն արդեն գտնվում են տեղում եւ սկզբնական փուլում նախապատարստական աշխատանքներ են կատարվում «Պատրիոտ» ՀՀՊ տեղակայման, ինչպես նաեւ թռիչքուղու եւ օդակայանի կատարելագործման համար:
Որուշումն ընդունվել է Էր Ռիադի եւ Վաշինգտոնի հարաբերություններում նուրբ հարցերի ֆոնին՝ սաուդցի լրագրող Ջամալ Խաշոգջիի սպանության կապակցությամբ վարչակազմի դիրքորոշման հետ կապված Կոնգրեսի զայրույթի պատճառով:
Հունիսին վարչակազմը հայտարարել էր, որ Մերձավոր Արեւելք 1000 լրացուցիչ զինվորականներ է ուղարկում, սակայն չէր նշել, թե որ երկրներ :
Կոնգրեսը պաշտոնապես չէր տեղեկացվել զինվորականների ուղարկման մասին, չնայած մի պաշտոնյա CNN-ին ասել էր, որ իրենց ոչ պաշտոնապես զգուշացրել են, եւ հայտարարությունը սպասվում է հաջորդ շաբաթ:
Կոնգրեսի համար ծանուցումն ավելի հստակ մանրամասներ կտրամադրի տարածաշրջանում ԱՄՆ զինված ուժերի մասին: