Ես չեմ բացառում, որ Իջևանում ակցիան կազմակերպած լինեն մարդիկ, որոնք ապօրինի անտառահատման բիզնես են վարում. Փոխոստիկանապետ (Տեսանյութ)

Ես չեմ բացառում, որ Իջևանում ակցիան կազմակերպած լինեն մարդիկ, որոնք ապօրինի անտառահատման բիզնես են վարում, որովհետև բավականին մեծ զանգված էր հավաքված՝ մոտ 500 հոգի, կարող էր նաև դա կազմակերպված լինել մի խումբ մարդկանց կողմից, որոնք շահագրգրված են այդ հարցում։ Այս մասին այսօր՝ հունիսի 18-ին, լրագրողների հետ զրույցում ասաց փոխոստիկանապետ Վարդան Մովսիսյանը։

Նրա խոսքով՝ կան օպերատիվ տվյալներ, թե ովքեր են այդ բիզնեսի ղեկավարները, բայց դրանք դեռ չեն հրապարակում։

Հարցին՝ ի՞նչ 36 հոգու նկատի ուներ վարչապետ Նիկոլ Փաշինյանը, երբ ասում էր, թե ինչու 36 հոգին էլ ձերբակալված չեն, փոսոստիկանապետն ասաց. «Վարչապետի կողմից հնչեցրած 36 հոգին հակաօրինական գործողությունների մասնակիցներն են, որոնք որ ձայնագրություններով և այլ տվյալներով ուսումնասիրել ենք և այդ ցուցակը առաջացել է»։

Դիտարկմանը, որ մարդիկ սոցիալական խնդիրներից ելնելով են ցույց արել, Մովսիսյանը պատասխանեց. «Վարչապետն էլ ասաց, որ խոսքը սոցիալապես անապահով մարդկանց մասին չէ, խոսքը ապօրինի անտառահատման բիզնեսի մասին է, իսկ փայտի քանակը այդ համայնքի բնակիչների համար բավարար է»։

Փոխոստիկանապետի խոսքով՝ եղել են դեպքեր, երբ որոշ մեքենաներ չեն ենթարկվել և «կասկածներ են եղել, որ փայտով են բեռնված եղել, այդ մեքենաների հայտնաբերման և պարզաբանման ուղղությամբ էլ են աշխատանքներ ընթանում»։

Հարցին՝ բերման ենթարկվածների մեջ կա՞ն մարդիկ, որոնք ապօրինի անտառահատման բիզնեսով են զբաղվում, նա նշեց. «Ես չեմ կարող այդ հարցին պատասխանել, որովհետև գործողությունները դեռ շարունակվում են, ես եղել եմ տարածաշրջանում և 2 ժամ առաջ դուրս եմ եկել կառավարության նիստից առաջ, քանի որ ոստիկանապետն անձամբ էր ղեկավարում այդ գործողությունները՝ հասկանալի է դրա կարևորությունը։ Կան 19 հոգու անուն–ազգանունները, բայց չեմ կարծում՝ այդ բիզնեսի ներկայացուցիչներ լինեն, խոսքը գնում է նրանց մասին, որոնք ակտիվ են եղել հակաօրինական գործողությունների կազմակերպման մեջ»։

Փոխոստիկանապետը, սակայն, պնդում է՝ այնպես չէ, որ ապօրինի ծառահատման աշխատանքների կանխման ուղղությամբ նախկինում աշխատանքներ չեն իրականացվել ոստիկանության կողմից. «Դրանք եղել են ակտիվացման փուլում, իսկ այն, ինչ եղել է մինչև իրավիճակի փոփոխությունը, դրանք առանձին քննարկման թեմաներն են։ Բացասական և կոռուպցիոն երևույթներ եղել են, Լոռու և Տավուշի անտառների տարածքում 30 տարի եղել են և իրականացվել են»։

Մովսիսյանի խոսքով՝ իրավիճակն այս պահին կայուն է։ Նա նաև չի կասկածում, որ եթե քննության ընթացքում պարզվի այն մարդկանց ինքնությունը, որոնք մասնակցել են ապօրինի ծառահատման գործընթացին, կհրավիրվեն և կպատժվեն, սակայն շեշտում է՝ պետության առաջ չպետք է դրվեն պայմաններ, որոնք անօրինական են։

Փոխոստիկանապետը նշեց, որ Իջևանում ուժեղացվել է ոստիկանության ծառայությունը. «Ներքին զորքեր են տեղափոխվել Իջևան՝ կանխարգելիչ նպատակով, քանի որ կարող են լինել անկանխատեսելի պահեր։ Արագ հակազդելու համար մենք կատարել ենք քանակակազմի տեղափոխում»։

Հարցին՝ ոստիկանությունը թերացե՞լ է իր աշխատանքում, նա պատասխանեց. «Այս գործողությունների անմիջապես կարեւորությունը հնչեցվեց հեղափոխությունից հետո, որ մեկ տարի առաջ կառավարությունը խստագույնս պահանջ է դրել, ոստիկանությունն այս գործողություններն իրականացրել է եւ իրականացնում է, զուտ սեզոնային եւ որոշ հարցերով մենք ուժեղացրել ենք ծառայությունը՝ ավելացնելով պահակակետերը, ինչը դժվարացրել