Ճիշտ չի լինի, որ մենք վերցնենք ու ազգային փոխարդող ստեղծենք, բայց այդ հարցում ես աջակցում եմ ցանկացողներին. Ռևազյան

Շատ մեծ տարբերություն կա իմ մտածելակերպի և մեր ավիատորների մտածելակերպի միջև: Այս մասին, այսօր՝ հուլիսի 15-ին, լրագրողների հետ հանդիպման ժամանակ նշեց Քաղաքացիական ավիացիայի կոմիտեի նախագահ Տաթևիկ Ռևազյանը՝ դա ներկայացնելով որպես իր աշխատանքի թերություններից մեկը:

«Շատ հաճախ հնչում է հարցը, որ Հայաստանում պետք է ստեղծել ազգային փոխարդող, որ այդ ուղղությամբ պետք է աշխատել: Շատերն ասում են, որ Տաթևիկը ոչինչ չի արել, որ դա լինի: Նախ, նշեմ, որ դա մեր գործառույթը չի: Եթե մենք վերցնենք ու ազգային փոխադրող ստեղծենք, դա ճիշտ չի լինի, որովհետև մենք իրավունք չունենք մենք մեզ վերահսկել: Բայց, որ Տաթևիկը բան չի արել, դա ճիշտ չէ:

Բոլորը, որ առաջարկ են ունեցել ՀՀ-ում ավիաընկերություն հիմնելու, ես բոլորին ընդունել եմ, շփվել եմ, կարողացել եմ իմ կապերի միջոցով պոտենցիալ ներդրողների հետ ծանոթացնել: Միակ սահմանափակումը, որ եղել է մի քանի հոգու նկատմամբ, այն է, որ շատ թույլ առաջարկով են եկել»,-ասաց նա:

Տաթևիկ Ռևազյանը թերություն համարեց նաև այն, որ չունի մամուլի քարտուղար, քանի որ կոմիտեն ներառված է նախարարության կազմում. «Մեզ մոտ մամուլի քարտուղարի հաստիքը փակվել է, իմ օգնականն է փորձում այդ հարցերով զբաղվել, դա շատ բարդ է»:

Հիշեցնենք, ավելի վաղ Operativ լրատվականը հաղորդել էր, որ լրագրողների հետ հանդիպման ժամանակ Տաթևիկ Ռևազյանը հատկանշական էր համարել, որ Հայաստանում գրեթե բոլոր ուղղություններով չվերթները շատացել են. նոր ուղղություններ են բացել :

Բացի այդ նա խոսել էր նաև այն մասին, թե ինչի է հանգեցրել իր՝ շատ ճամփորդելը:

Ռևազյանը վստահ է, որ մենք մեծ հնարավորություններ ունենք տարանցիկ չվերթներ սպասարկելու. Հայաստանն այդ առումով շատ հարմար է

Նա նաև անդրադարձել էր «Սիրուն աղջիկ»՝ իր մասին արված արտահայտությանը:

Operativ լրատվականը ուղիղ հեռարձակմամբ հաղորդում էր նաև Տաթևիկ Ռևազյանի մամուլի ասուլիսը, որի ընթացքում նա ամփոփում էր պաշտոնավարման մեկ տարին: