ՀՀ իշխանությունները ցանկանում են բարեփոխել սոցիալական աջակցության համակարգը. նախարար
ՀՀ աշխատանքի և սոցիալական հարցերի նախարարությունն իր առջև խնդիր է դրել, նախևառաջ, հասնել ամենախոցելի խմբերին, որոնք մնացել են համակարգից դուրս համապատասխան քաղաքականության և ընթացակարգերի բացակայության պատճառով։ Այս մասին Հայաստանի Ազգային ժողովի նիստում, 2018-ի պետական բյուջեի կատարողականի մասին քննարկման ընթացքում, հունիսի 20-ին ասաց Հայաստանի աշխատանքի և սոցիալական հարցերի նախարար Զարուհի Բաթոյանը։
Նրա խոսքով՝ նախարարությունը հակված է մշտապես թարմացնել և փոփոխություններ մտցնել գործող ծրագրերում։ ՀՀ աշխատանքի և սոցիալական հարցերի նախարարությունն իր առջև խնդիր է դրել, առաջին հերթին, հասնել ամենախոցելի խմբերին, որոնք մնացել են համակարգից դուրս համապատասխան քաղաքականության և ընթացակարգերի բացակայության պատճառով, բարեփոխել սոցիալական աջակցության համակարգն այնպես, որպեսզի սպասարկումների բոլոր տեսակները՝ ֆինանսական և ոչ ֆինանսական, մատուցվեն անհատական կարիքի դեպքում՝ խրախուսելով մարդկանց ունակությունների զարգացումը աշխատանքի տեղավորման և զբաղվածության հնարավորությունների ավելացման միջոցով։
Բաթոյանը նշել է, որ գերատեսչությունը նախատեսում է տեղեկատվական տեխնոլոգիաների կիրառման միջոցով քաղաքացիներին մատուցվող ծառայություններն ավելի մատչելի դարձնել՝ նվազագույնի հասցնելով մարդկային գործոնը և շփումը պետական մարմինների հետ, եթե դրա անհրաժեշտությունը չկա։
Ընդ որում՝ նախարարը տեղեկացրել է, որ աշխատանքի և սոցիալական հարցերի նախարարության կողմից իրականացվող ծրագրերի գծով փաստացի ծախսերը 2018-ին կազմել են մոտ 352 մլրդ դրամ, որոնցից գերատեսչության ծախսերը կազմել են 10 մլրդ դրամ։