Նիկոլ Փաշինյանը և Կասիմ-Ժոմարտ Տոկաևը հեռախոսազրույց են ունեցել. խոսել են հայ-ղազախական հարաբերություններից
Վարչապետ Նիկոլ Փաշինյանն այսօր՝ հունիսի 10-ին, հեռախոսազրույց է ունեցել Ղազախստանի նորընտիր նախագահ Կասիմ-Ժոմարտ Տոկաեւի հետ եւ շնորհավորել նրան Ղազախստանի նախագահական ընտրություններում վստահ հաղթանակի կապակցությամբ: Այս մասին հայտնում են ՀՀ կառավարության լրատվական ծառայությունից։
Հեռախոսազրույցի ընթացքում Նիկոլ Փաշինյանը եւ Կասիմ-Ժոմարտ Տոկաեւը քննարկել են նաեւ հայ-ղազախական հարաբերությունների հետագա զարգացմանն ու ամրապնդմանը վերաբերող հարցեր: