ԱՄՆ-ի Ներկայացուցիչների պալատի խոսնակը նշել է, որ կցանկանար Թրամփին բանտում տեսնել

ԱՄՆ-ի Ներկայացուցիչների պալատի խոսնակ Նենսի Փելոսին (Կալիֆոռնիա նահանգից դեմոկրատ) Դեմոկրատական կուսակցության մյուս առաջնորդների հետ մասնավոր զրույցում նշել է, որ կցանկանար ԱՄՆ նախագահ Դոնալդ Թրամփին բանտում տեսնել, նշելով, որ չի ցանկանում նրա իմպիչմենտը: Այս մասին չորեքշաբթի հայտնել է Politico-ն՝ վկայակոչելով ԱՄՆ Կոնգրեսսում իր աղբյուրներին:

Երեքշաբթի երեկոյան կուսակիցների հետ հանդիպմանը Փելոսին քննարկել է Թրամփի նկատմամբ հետաքննությունները, որոնք իրականացնում են Ներկայացուցիչների պալատի դեմոկրատների կողմից վերահսկվող կոմիտեները:

Օրենսդիր մարմնի ստորին պալատի Իրավաբանական կոմիտեի նախագահ Ջերոլդ Նադլերը (Նյու Յորք նահանգից դեմոկրատ) նրանից պահանջել է իր կոմիտեին թույլ տալ սկսել նախագահի իմպիչմենտի գործընթացը:

«Ես չեմ ցանկանում իմպիչմենտ, ես կցանկանայի նրան բանտում տեսնել», - ասել է Փելոսին, ով ամերիկյան պետական հիերարխիայում ըստ նշանակալիության երրորդ պաշտոնն է զբաղեցնում:

Չորեքշաբթի Նադլերը CNN-ին տված հարցազրույցում ասել է, որ նախագահի իմպիչմենտի գործընթացը լիովին կարող է սկսվել, սակայն հենց այս պահին այն օրենսդիրների շրջանում կարծես թե չունի անհրաժեշտ աջակցությունը:

Մայիսի վերջին Թրամփն ասել էր, որ ԱՄՆ Կոնգրեսի կողմից իր իմպիչմենտի գործընթացի սպառնալիք չի տեսնում:

Գործընթացի մանրամասները

Իմպիչմենտը ենթադրում է պատասանատվության ենթարկում դաշնային ծառայողներին, այդ թվում ԱՄՆ նախագահին, որոնք մեղադրվում են պետական դավաճանության, կաշառակերության եւ այլ ծանր հանցագործությունների մեջ:

Պետության ղեկավարի իմպիչմենտի գործընթացը ԱՄՆ-ի պատմության մեջ երեք անգամ է նախաձեռնվել: Այդ նախագահներ են եղել Էնդրյու Ջոնսոնը (1868 թ.) եւ Բիլ Քլինթոնը ( 1998-1999 թթ.): Սակայն նրանք երկուսն էլ Սենատի կողմից արդարացվել են: Ռիչարդ Նիքսոնը, որը նախագահի պաշտոնը զբաղեցրել է 1969-1974 թվականներին, հրաժարական էր տվել մինչեւ Սենատի լսումների սկսվելը:

Ներկայացուցիչների պալատի «բացառիկ առանձնաշնորհն» է ձեւակերպել եւ մեղադրանք առաջադրել: Կոնգրեսականները քվեարկում են այն բանի օգտին, որպեսզի հարցը փոխանցեն իր իրավաբանական կոմիտեի քննարկմանը, որտեղ իրականացվում է մեղադրանքների հետաքննությունը: Եթե հիմքեր կան, ապա պատարստվում է փաստացի մեղադրական եզրակացություն:

Կոմիտեի կողմից հաստատվելուց հետո փաստաթուղթն ուղարկվում է Ներկայացուցիչների պալատի ամբողջական կազմով քննարկմանը: Այն հաստատելու համար պահանջվում է ձայների պարզ մեծամասնություն, որը ուժերի ներկայիս դասավորության պայմաններում ԱՄՆ Դեմոկրատական կուսակցության օրենսդիրները, որոնք այս փուլում ընդդիմություն են, տեսականորեն կարող են ստանալ:

Հաստատվելու դեպքում մեղադրանքների քննարկումը փոխանցվում է Սենատ, որտեղ ընթացակարգը վերածվում է դատավարության: Այնտեղ Ներկայացուցիչների պալատը, փաստորեն, հանդես է գալիս որպես մեղադրող կողմ, իսկ սենատորները կատարում են երդվյալների դատարանի անդամների դերը: Որպեսզի իմփիչմենթը տեղի ունենա, անհրաժեշտ է սենատորների առնվազն երկու երրորդի ձայնը (67-ից ոչ պակաս):
Այս պատճառով Սենատի ներկայիս կազմի պարագայում իմփիչմենթի օգտին քվեարկելու հավանականությունը փաստացի զրոյական է: Ընթացիկ տարեսկզբից հանրապետականները (նոյեմբերին տեղի ունեցած միջանկյալ ընտրությունների արդյունքներով) Կոնգրեսի վերին պալատում տնօրինում են 100-ից 53 տեղը: