Ձերժինսկում գործարանի պայթյունից տուժածների թիվը հասել է 82-ի
ՌԴ Նիժեգորոդսկի շրջանի Ձերժինսկ քաղաքում «Կրիստալ» գործարանում տեղի ունեցած հզոր պայթյունի հետեւանքով տուժել է 82 մարդ, նրանցից 15-ը հոսպիտալացվել է, հաղորդում է ՏԱՍՍ-ը՝ հղում անելով տարածաշրջանային առողջապահության նախարարությանը:
Ավելի վաղ հաղորդվել է 79 տուժածի մասին:
Նշվում է, որ տուժածներից 14-ի վիճակը միջին ծանրության է, մեկինը՝ ծայրահեղ ծանր: Տուժածների թվում երեխաներ չկան:
Քաղաքապետ Իվան Նոսկովի խոսքով՝ «Կրիստալ» գործարանի 15 աշխատակիցներ տուժածների թվում են: