Տիեզերագնացների ու աստղագնացների աշխատավարձը կարելի է համարել իսկապես տիեզերական

Վստահաբար շատերն են մանուկ ժամանակ երազել տիեզերագնաց դառնալ: Եվ զուր չեն դարձել, քանի որ տիեզերագնացների ու աստղագնացների աշխատավարձը կարելի է համարել իսկապես տիեզերական, թեև ամեն ինչ համեմատության մեջ է ակնհայտ: Եթե համեմատենք տիեզերագնացների աշխատավարձը խոշոր կորպորացիաների ղեկավարների կամ բարձրաստիճան չինովնիկների աշխատավարձերի հետ, ապա դրանք միանգամայն համեստ կարող են թվալ: Մյուս կողմից՝ եթե համեմատենք բյուջետային հիմնարկների հասարակ աշխատակիցների աշխատավարձերի հետ, դրանք իսկապես աստղաբաշխական են:
Ռուս տիեզերագնացների վարձատրությունը, օրինակ՝ կարգավորվում է 1993 թվականի մայիսի 17- ին ընդունված կառավարության որոշմամբ: Վերջին անգամ այն փոխվել է 2016 թվականի մարտին: Դրանով տիեզերագնացներին թույլատրվել է մասնակցել միջազգային ծրագրերի, փորձարկումների և հետազոտությունների, իսկ նրանց ընտանիքի անդամներն իրավունք ունեն ստանալ դրամական պարգև: Տիեզերագնացների թռիչքները ևս պարտադիր ապահովագրվում են:

Լրացուցիչ վճարումներ են համարվում

Պարտականությունների բարեխիղճ կատարման համար տրամադրվում է 25 տոկոս հավելավճար,

Հատուկ պայմաններում աշխատանքի համար՝ ամսական 40 տոկոս հավելավճար,
Աշխատանքային ստաժի համար, յուրաքանչյուր երկու տարվա ծառայությունից հետ, տրամադրվում է 10 տոկոս հավելավճար: 5 տարի հետո հավելավճարն ավելանում է ևս 5 տոկոսով, իսկ 25 տարվա աշխատնքային ստաժ ունեցողներին տրվում է 40 տոկոս հավելավճար,
Պարգևատրում՝ 13-րդ աշխատավարձ,
Գիտական կոչման համար՝ աշխատավարձի 15-25 տոկոսի չափով,
Այսպիսով, ռուս տիեզերագնացների միջին աշխատաարձը կազմում է 120 000 ռուբլուց քիչ ավելի,
Յուրաքանչյուր թռիչքից հետո տիեզերագնացներին տրվում են դասակարգումներ, որոնք վերածվում են հավելավճարների:
2010 թվականին ռուսական միջազգային տիեզերակայանի ղեկավար Վլադիմիր Սոլովյովը պատմել է, որ կես տարի կայանում անցկացնելու համար ստացել է 150 000 դոլար:

Եվ այսպես,

1. Տիեզերագնացի թեկնածուն ստանում է 60 000 ռուբլի աշխատավարձ,

2. Տիեզերագնացը՝ 63 000 ռուբլի,

3. Ինստրուկտոր-տիեզերագնացը՝88.450 ռուբլի,

4. Տիեզերք թռած տիեզերագնացը՝ 69 600 ռուբլի:

Ի տարբերություն ռուս գործընկերների՝ ամերիկացի տիեզերագնացներն ավելի կայուն ու բարձր եկամուտ ունեն: ԱՄՆ-ում կա երկու կատեգորիա՝ ռազմական և քաղաքացիական տիեզերագնաց:

Քաղաքացիական տիեզերագնացներին տրվում է GS-11-ից մինչև GS-14 կարգ, վարձատրությունը կազմում է 5.300 դոլարից մինչև 11.790 դոլար ամսական:

Ռազմական տիեզերագնացներին տրվում է 0-4-ից մինչև 0-6 կարգ, վարձատրությունը՝ 6500-ից 86050 դոլար ամսական: Նրանք կարող են ունենալ արտոնություններ սննդամթերքի, բնակարանի ձեռքբերման, նաև ավիատոմսերի գնման ժամանակ: Սննդի գումարի փոխհատուցումը կարող է կազմել ամսական մինչև 1100 դոլար, բնակարանի վճարի համար կարող է տրվել ամսական 1600 դոլար:

Եվրոպայում տիեզերագնացներին տրվում են A2-A4 կարգավիճակներ: Ըստ այդմ՝ աշխատավարձը սկսում է 5467 եվրոյից: Ավելի փորձառուները ստանում են 6746 եվրո աշխատավարձ ամսական: Տիեզերք թռածները ստանում են 7839,42 եվրո ամսական աշխատավարձ: