«Ձայնը» նախագծին Ալսուի դստեր հաղթանակը չեղարկվել է

«Առաջին ալիքը» որոշում է կայացրել չեղյալ հայտարարել «Ձայնը» նախագծի եզրափակչի արդյունքները, որում հաղթանակ է տարել Ալսուի դուստրը։ Group-IB ընկերությունը, որը վերստուգել է «Մանկական ձայնը» նախագծի եզրափակչի եւ սուպերեզրափակչի քվեարկությունը, քվեարկության ընթացքում ձայների արհեստական ավելացում է նկատել։ Ըստ ստուգման առաջին արդյունքների՝ հաստատվել է նախագծի մասնակիցների մեկի օգտին հաղորդագրությունների կենտրոնացած ավտոմատ ուղարկման փաստը:

Group-IB-ն վերլուծել է ինֆրակառուցվածքը, որն օգտագործվել է օնլայն քվեարկության տեխնիկական սպասարկման համար, ինչպես նաեւ IVR-ը եւ sms հաղոդրագրությունների տրաֆիկը ավտոմատ առաքման եւ ձայների ավելացման այլ միջոցների օգտագործման վերաբերյալ։ Ձայները համընկել են եզրափակչում հայտարարվածի հետ։ Մասնագետները նշել են, որ ձայների հաշվման համակարգը չի ենթարկվել կիբերհարձակման եւ արդյունքները փոխելու նպատակով ինսայդերական ազդեցության։

Սակայն ֆիքսվել են մասնակիցներից մեկի օգտին կարճ համարին հաղորդագրությունների կենտրոնացած ավտոմատ ուղարկման փաստը։ Ընդհանուր առմամբ դրանում մասնակցել է 300 հեռախոսահամար, որոնք պատկանում են նույն օպերատորին։ Դրանցից ուղարկվել է ավելի քան ութ հազար հաղորդագրություն։ Նշվում է, որ բոլոր հեռոխոսահամարներն պգտագործել են նույն սակագինը։ Ստուգման պային դրանք բոլորն անհասանելի են եղել։

«Մանկական ձայնը» նախագծխի եզրափակիչն ու սուպերեզրափակիչը «Առաջին ալիքի» եթերում հեռարձակվել են ապրիլի 26-ին։ Մրցույթին հաղթանակ է տարել երգչուհի Ալսուի դուստրը՝ Միկելա Աբրամովան՝ հավաելով հանդիսատեսի ձայների 56,5 տոկոսը։ Երկրորդ հորիզոնականը զբաղեցրախ Երժան Մաքսիմը ստացել է ձայների 27,9 տոկոսը։ Նախագծի արդյունքներն առաջացրել են հանդիսատեսի դժգոհությունը, որոնք Աբրամովի հաղթանակը կեղծված են համարել։