BMW-ն մխրճվել է երկաթե արգելապատնեշի մեջ. վարորդը փրկվել է
Կոտայքի մարզում, այսօր՝ մայիսի 13-ին, խոշոր ավտովթար է տեղի ունեցել. Ժամը 13:40-ի սահմաններում BMW մակնիշի 11 ՏՏ 484 համարանիշի ավտոմեքենայի վարորդը Եղվարդ-Աշտարակ ավտոճանապարհի 1-ին կմ հատվածում դուրս է եկել հանդիպակաց երթեւեկելի գոտի ու բախվել երկաթե արգելապատնեշներին:
Shamshyan.com-ի հաղորդմամբ, վթարի հետեւանքով վարորդը բժշկական հետազոտման նպատակով օպերատիվորեն դեպքի վայր ժամանած ոստիկանության Եղվարդի բաժնի ծառայողների ծառայողական ավտոմեքենայով տեղափոխվել է Եղվարդ քաղաքի «Նաիրի» բժշկական կենտրոն:
Փրկարարները հոսանքազրկել են ավտոմեքենան եւ դադարեցրել բենզինի արտահոսքը, քանի որ բախման հետեւանքով վնասվել էր բենզինի բաքը եւ արտահոսք էր սկսվել:
Աղբյուրը հայտնում է նաեւ, որ վարորդը հրաշքով է փրկվել, քանի որ նա ավտոմեքենայով մխրճվել էր երկաթե արգելապատնեշի մեջ ու այն դուրս բերելու համար օգտագործվել է հատուկ տեխնիկա: