Գուցե Ադրբեջանում 20 տարի ազատազրկված հայ բանտարկյալին ազատ արձակեն կամ փոխանակեն (տեսանյութ)
Ադրբեջանի կողմից մարդասիրական ասածը, երեւի Ադրբեջանում գտնվող հայ բանտարկյալի մասին է, որ 20 տարի ազատազրկման էին դատապարտել, գուցե, ազատ արձակեն կամ փոխանակեն: Այս մասին այսօր՝ մարտի 30-ին, լրագրողների հետ զրույցում նշեց ՀՅԴ Բյուրոյի անդամ, Հայ Դատի գրասենյակի քաղաքական հարցերի գրասենյակի պատասխանատու Կիրո Մանոյանը գնահատելով երեկ՝ մարտի 29-ին, Վիեննայում տեղի ունեցած Փաշինյան-Ալիեւ բանակցությունները:
Ըստ Կիրո Մանոյանի՝ երեւի թե այդպիսի արարքների մասին է խոսքը, ոչ թե մեծ մասշտաբի արարքների մասին:
Դիտարկմանը, թե երկու կողմերն էլ դրական են գնահատել հանդիպումը, Կիրո Մանոյանն ասաց. «Դրականը դրական է, բայց նաեւ մեր վարչապետի այն հաստատումը, որ բանակցային գործընթացում փոփոխություն հեղափոխություն չկա, բեկում չկա, դա վկայում է այն մասին, որ հարցի էության մասին, եթե նույնիսկ երկուսով առանձնազրույցի ժամանակ խոսել են՝ այդտեղ ոչ մի առաջընթաց չկա»:
Հիշեցնենք, որ մարտի 29-ին կայացել է ՀՀ վարչապետ Նիկոլ Փաշինյանի եւ Ադրբեջանի նախագահ Իլհամ Ալիեւի առաջին պաշտոնական հանդիպումը: Նախորդ երեք հանդիպումները, որոնք տեղի էին ունեցել Դավոսում, Սանկտ Պետերբուրգում եւ Մոսկվայում չէին կրում պաշտոնական բնույթ: Երկուսն էլ հանդիպումը գնահատել են դրական: ԵԱՀԿ ՄԽ համանախագահներն իրենց հայտարարության մեջ հաստատել են, որ հանդիպումն անցել է դրական եւ կառուցողական մթնոլորտում: