на Русском
Հատուկ զբոսայգիներ՝ շների համար
Բեյոնսեն ծաղկեփունջ է ուղարկել իր երկու տարեկ... 
Որո՞նք են ամռան ամիսներին ալերգիայի հիմնական պատճառները և ի՞նչ անել ալերգիայի դեպքում
Այսօր՝ հուլիսի1-ին, լրագրողների հետ հանդիպման ժամանակ ալերգոլոգ Զարուհի Կալիկյանը խոսելով ամառային ալերգիայի և դրա կանխարգելման մասին նշեց, որ դա օրգանիզմի գերզգայուն վիճակն է, իմուն համակարգի գերզգայունությունն է և դա դրսևորվում է տարբեր ձևերով:
«Ամառային ալերգիան սեզոնային բնույթ է կրում, դրա հիմնական պատճառը ծաղկափոշին է: Այն, շնչուղիներով ընկնելով մեր օրգանիզմ, ստեղծում է գերզգայուն վիճակ՝ դրսևորվելով հարբուխանման նշաններով, փռշտոցով»,- նշեց ալեգոլոգը:
Նրա խոսքով, ամառային ալերգիայի հարցում որոշակի նշանակություն ունի նաև արևը:
«Ալերգիկ երևույթներ երբեմն առաջացնում են նաև որոշ մրգեր՝ կեռասը, ծիրանը, թութը: Ալերգիան խրոնիկ վիճակ է, որը մարդուն ուղեկցում է ամբողջ կյանքի ընթացքում: Կան որոշ տեսակներ, որոնք տրվում են բուժման, սակայն լինում են նաև դեպքեր, երբ գործ ունենք սուր ալերգիկ ռեակցիաների հետ»:
Կալիկյանի խոսքով, ալերգոլոգի առաջնահերթ խնդիրն է ապահովել մարդու կյանքի որակը՝ թեթևացնելով ախտանշանները: Ինքնաբուժումը չի խրախուսվում, ալերգիկ ֆոնի ի հայտ գալուն պես պետք է անպայման դիմել մասնագետի, այլապես որոշ դեպքերում ալերգիան կարող է վերաճել ընդհուպ բրոնխիալ ասթմայի և անաֆիլակտիկ շոկի:
Մասնագետը իր խոսքը եզրափակեց նշելով, որ ալերգիա ունենալն ամենևին չի նշանակում, որ մարդը թույլ իմունիտետ ունի: Պարզապես ալերգիկների իմունիտետը գերզգայուն է:
