Ի՞նչ կա-չկա երգչուհի Հռիփսիմե Հակոբյանի պայուսակում

Operativ.am-ի թղթակիցը բլից հարցման միջոցով պարզեց երգչուհի Հռիփսիմե Հակոբյանի պայուսակի պարունակության մասին:

- Սովորաբար, ի՞նչ եք վերցնում Ձեզ հետ. Ձեր պայուսակի ամենակարևոր, ամենաանհրաժեշտ իրերը:

- Տան բանալիները, դրամապանակս, անհրաժեշտ կոսմետիկա, օծանելիք…

- Մե՞ծ, թե՞ փոքր պայուսակներ եք նախընտրում, ինչո՞ւ:

- Հիմնականում մեծ պայուսակներ եմ նախընտրում, որովհետև շատ հարմար են, ավելի տարողունակ:

- Կա՞ մի իր, որը որպես թալիսման եք պահում:

- Ոչ, այդպիսի իր չկա:

- Թույլ տալի՞ս եք, որ Ձեր հարազատներից մեկը Ձեր պայուսակի պարունակությունը տնտղի:

- Կարծում եմ, որ դա տգեղ արարք է: Երբևէ նման խնդիր չի եղել, որ բանը հասնի իմ թույլ տալ-չտալուն, ոչ մեկն իմ պայուսակը չի տնտղել:

- Երբևիցե Ձեր դրամապանակը մոռացե՞լ եք:

- Այո, այդպիսի դեպք եղել է, որ դրամապանակս մոռանամ տանը:

- Նախընտրում եք փաստաթղթերը պահել մեքենայի՞, թե՞ պայուսակի մեջ:

- Ավելի շատ նախընտրում եմ պահել տանը:

- Ձեր պայուսակում իրերը դասավորվա՞ծ են, թե՞ ցաքուցրիվ:

- Առհասարակ դասավորված են:

- Ունե՞ք պայուսակ, որն ամենասիրելին է:

- Կոնկրետ պայուսակ չկա, որ առանձնացնեմ, թե որն եմ ավելի շատ սիրում: Բոլոր պայուսակներս էլ մեծ հաճույքով եմ կրում:

Զրուցեց Մարինե Ամիրյանը