Յուրաքանչյուր չորրորդ միլիարդատերը ժլատ է և ապրում է ոչ հարմարավետ պայմաններում

ԱՄՆ-ում իրականացրել են մի հետաքրքիր հետազոտություն, որի արդյունքում պարզ է դարձել, որ յուրաքանչյուր չորրորդ միլիարդատերը կրում է 100 դոլարից ցածր արժեք ունեցող կոշիկ, կրում է կոստյում, որն ունի ամենաշատը 200 դոլար արժեք, ժամացույց մինչև 240 դոլար արժողությամբ և ամենաքիչը 3 տարեկան մեքենա:

Սակայն պատմության մեջ կան գործարարներ, որոնց ժլատությունը պարզապես ապշեցնում է, քանի որ միլիարդատերերը պարզապես խնայել են ամեն մի ցենտը: Օրինակ, Հենրիետա Գրինը համարվում է աշխարհի ամենաժլատ գործարարներից մեկը: Իր մահից հետո նա թողեց 100 մլն դոլար, կամ մեր օրերում 20 մլրդ դոլար: Նա միշտ իր տանը մոմ էր վառում, քանի որ համարում էր, որ գազի գինը շատ թանկ է: Իր ամբողջ կյանքում նա ապրել է շատ փոքր ու էժան տներում, չնայած Չիկագոյում նրան էին պատկանում մի քանի թաղամասեր:

Մեկ այլ օրինակ: 30 տարի առաջ նավթի արքա Ժան Պոլ Գետտին համարվում էր աշխարհի ամենահարուստ մարդը, ում կարողությունը գնահատվում էր 4 մլրդ դոլար: Նա մինչև կյանքի վերջ տաքսի էր օգտագործում և օգտվում համեմատաբար էժան ռեստորաններից: 1973 թվականին գողացան նրա թոռնիկին, սակայն Գետտին չշտապեց փրկագին վճարել: Նա սեղանին դրեց 2.7 մլն դոլար այն ժամանակ, երբ իրեն նամակով ուղարկեցին երեխայի ականջը:

Հետաքրքիր է նաև Սկանդինավիայի ամենահարուստ մարդկանցից մեկը' Հանս Ռաուսինգը, ով նաև Tetra Pak ընկերության սեփականատերն է: Նա հայտնի է իր ժլատությամբ, մասնավորապես՝ նրա ամենաթանկ մեքենաներից է ռուսական արտադրության Նիվան: Նա անգամ պատրաստ է մեկ ցենտի համար վիճել խանութի աշխատակիցների հետ: