Հայտնի է դարձել` ինչպես է փոխվել Մբապեի տրանսֆերային արժեքը վերջին երեք ամիսների ընթացքում

Այսօր՝ 2025 թվականի մարտի 21-ին, Transfermarkt հեղինակավոր ինտերնետային պորտալը 2024 թվականի դեկտեմբերից ի վեր առաջին անգամ թարմացրել է Իսպանիայի Լա Լիգայի ֆուտբոլիստների շուկայական արժեքները։ Թարմացումն ազդել է նաև Մադրիդի «Ռեալի» և Ֆրանսիայի հավաքականի հարձակվող Կիլիան Մբապեի տրանսֆերային արժեքի վրա:

Այսպիսով, ֆրանսիացի հարձակվողի արժեքը 160 միլիոն եվրոյից հասել է 170 միլիոն եվրոյի: «Զուտ» աճը կազմել է 10 միլիոն եվրո կամ 6,3 տոկոս:

Հիշեցնենք, որ Կիլիան Մբապեն Մադրիդի «Ռեալ» է տեղափոխվել ամառային տրանսֆերային պատուհանի ժամանակ՝ ազատ գործակալի կարգավիճակով։ Ֆրանսիացին Արքայական ակումբի հետ պայմանագիր է կնքել մինչև 2029 թվականը։ Մբապեն մադրիդյան թիմի կազմում անցկացրել է 43 հանդիպում՝ դառնալով 30 գոլի և 4 գոլային փոխանցման հեղինակ, փոխանցում է Armsport-ը։